A mund të mbeteni shtatzënë nëse jeni duke ushqyer me gji? Çfarë ndodh nëse nuk ju ka ardhur asnjë cikël i menstruacioneve që prej lindjes? Përgjigjet janë po dhe po. Edhe nëse marrëdhëniet tuaja seksuale janë të rralla e larg njëra prej tjetrës, është e mundur të ndodhë konceptimi apo ngjizja. Ndryshe nga përrallat e grave të vjetra, dhënia e gjirit nuk është një kontraceptiv i sigurtë. Ovulimi juaj do të fillojë përpara se të keni ciklin e parë, por ju nuk mund të jeni të sigurta se kur mund të ndodhë. Pra është një ide e mençur për të përdorur metodat kontraceptive, përveç nëse ju dëshironi ti jepni tëporsalindurit tuaj një motër apo vëlla moshatar.
Doktori juaj është në gjendje që t’ju japë të gjitha variantet e mundshme për këtë, por këtu mund të gjeni disa konsiderata:
Çfarë keni përdorur përpara se të mbeteshit shtatzënë? Nëse keni përdorur një diafragmë ose kësulë, përpara se të mbeteshit shtatzënë, ju do t’ju duhet ta ripërshtasni atë, pasi lindja që keni patur, mund të ketë ndryshuar trupin tuaj.
Nëse ju keni përdorur format hormonale për të kontrolluar lindjen, të tilla si pilulat, përpara se të mbeteshit shtatzënë, dhe jeni duke ushqyer me gji, nuk është një ide e mirë për ti marrë ato përsëri, për shkak se hormonet mund të ndikojnë në cilësinë dhe sasinë e qumështit të gjirit. Nënat që i ushqejnë foshnjet e tyre me gji, kanë nevojë për një formulë tjetër, si për shembull minipilulat me progesteron, ose një injeksion kontraceptiv.
A doni të provoni diçka të re? Një IUD (aparat intrauterin) ose spirale, për shembull, i përshtatet më mirë femrave që kanë lindur, krahasuar me ato që nuk kanë patur fëmijë kurrë.
A e keni konsideruar përdorimin e kondomëve? Prezervativët mund të jenë një zgjedhje e mirë për nënat që i ushqejnë foshnjat e tyre me gji, sepse nuk interferojnë në qumështin e gjirit.