Zhvillimi dhe rritja
javë pas jave

/13 muajsh

Si po rritet fëmija juaj

Redon Hasimja - 13 muajsh

Ka filluar i vogli juaj të hedhë hapat e tij të parë të pasigurt? Nëse jo, ai ndoshta do të fillojë shpejt, kështu që mbajeni afër kamerën tuaj. (Nuk ka nevojë të shqetësoheni në qoftë se fëmija juaj duket krejtësisht i kënaqur duke u zvarritur – disa fëmijë nuk do fillojnë të ecin deri në moshën 17 ose 18 muaj apo edhe më shumë).

Ndërkohë që fëmija juaj merr përsipër vetë përgjegjësinë për lëvizshmërinë e tij, ai do të jetë më mirë në gjendje të përmbushë kureshtjen e tij për botën që e rrethon. Kështu që, mos u befasoni nëse shikoni se ai është duke dekoruar murin me lapësin me ngjyrë që ka gjetur në dysheme. Tani që ai është duke u përmirësuar për të përdorur më mirë duart e tij, veprat e artit do të fillojnë së shpejti të lulëzojnë në të gjithë vendin ...

Jeta juaj: Aftësitë për të biseduar

Komunikimi me fëmijën tuaj 13 muajsh është duke u bërë gjithnjë e më i sofistikuar. Ai tashmë me siguri ka nisur të thotë 'baba', 'mama', dhe disa fjalë të tjera të dallueshme (që ju i dalloni) edhe pse ai është ende mjaft i mirë për të bërë të njohura dëshirat e tij pa shumë fjalor. Kur të dëshirojë të ulet poshtë në tokë, ai do të tregojë me gisht, kur të kërkojë vëmendjen tuaj, ai do të tërheqë fundin tuaj. Ai gjithashtu kupton një përqindje të konsiderueshme të gjuhës së thjeshtë që ju përdorni çdo ditë rreth tij, kështu që përpiquni të bisedoni me të dhe të lexoni për të, sa më shumë të jetë e mundur.

Problemet e syve

Nëse foshnja juaj shikon vëngër, apo ka vështirësi për të lëvizur sytë e tij në të gjitha drejtimet mos e shtyni kohën që të kërkoni ndihmë me shpresën se ai problem do të zgjidhet vetë me rritjen e fëmijës. Shumë probleme të syve mund të trajtohen mjaft mirë tani.

Këshilla për prindërit: Dushi i lehtë

'Kur jam në shtëpi vetëm dhe dua të bëj një dush, unë laj më parë fëmijën tim, e thaj atë me peshqirin e tij, dhe e ul aty pranë me rrobat e thata dhe me disa lodra të vetat. Unë mund ti hedh një sy fëmijës ndërkohë që jam duke bërë një dush të shpejtë, atij i pëlqen kjo gjë, dhe unë nuk kam pse të shqetësohem rreth të qënit të tij vetëm në një dhomë tjetër, ndërsa unë jam duke u larë' – T.

Ndani këshillat tuaja.

Komuniteti

A është fëmija juaj një foshnjë që zgjohet herët? Mund t’ju ndihmojë nëse bisedoni me prindër të tjerë mbi privimin e gjumit, nëpërmjet komunitetit tonë.

Fakte për tu marrë në konsideratë

Fëmija juaj është në kohë për të bërë vaksinat e fruthit, shytave dhe rubeolës, meningjitit, e gripit, në qoftë se ai ende nuk i ka bërë ato.

Nëse fëmija juaj nuk trembet në ujë, është një ide e mirë që të mësoni mbi dushin e sigurt.

Këshilla për udhëtimin pa probleme me foshnjën tuaj.

Çfarë duhet të bëni nëse foshnja juaj ka ethe.