Pëlqeje në
E pelqej BebaIme.com në Facebook

3 muajsh, java e parë


Si po rritet fëmija juaj

Lyron Celina - 3 muajsh, java e parë

A është fëmija juaj i fortë sa duhet për të mbajtur kokën e tij lart tani, e për të parë se çfarë po ndodh përreth? Fleksibiliteti më i mirë i kyçeve, i lejon shumicës se foshnjave tre muajsh, që të lëkundin dhe të gjuajnë me më shumë forcë, dhe njëkohësisht të hapin gishtat dhe të bashkojnë duart e tyre së bashku.

Edhe pse fëmija juaj ka qenë në gjendje që t’ju njohë ju që disa ditë pas lindjes, tani ai mund të jetë në gjendje për ta treguar këtë. Pothuajse gjysma e foshnjave në këtë moshë fillojnë të shfaqin një njohje të qartë të prindërve të tyre. Shanset janë që fëmija juaj të vazhdojë të dhurojë buzëqeshje për të gjithë, por ai është duke u bërë më selektiv në lidhje me shoqërinë që mban . Në grupe të mëdha apo me njerëz që ai nuk i njeh shumë mirë, atij mund ti duhet pak kohë për tu përshtatur.

Lobi temporal në trurin e fëmijë tuaj, i cili është përgjegjës për dëgjimin, gjuhën dhe nuhatjen, është plot aktivitet tani. Bëni të pamundurën për të biseduar me fëmijën tuaj, duke i vënë muzikë dhe duke lexuar me zë të lartë.

Jeta juaj: Nëse gjendja e dëshpëruar nuk ju kalon

A ndiheni të shqetësuara dhe me lëkundje humori, por e konsideroni këtë fazë si nervat e një nëne të re? A e ka pyetur ndonjëherë veten partneri juaj ose ndonjë miku juaj nëse kjo gjendje e dëshpëruar mund të rëndohet me kalimin e javëve? Mos lejoni që sikleti apo krenaria juaj t’ju ndalojnë të vizitoheni tek doktori juaj. Në përgjithësi, mendohet se rreth 10 për qind e nënave të reja, vuajnë nga depresioni pas lindjes. Kjo është një sëmundje e vërtetë dhe e trajtueshme.

Këshilla për prindërit: Objekte të pastra e komode

'Unë i kam dhënë djalit tim të dytë disa lloje pëlhurash për të mbajtur kur ishte e vogël kështu që mund t'i jepja atij nga një të pastër çdo ditë – shumë më tepër higjenike se sa lepurushi prej pellushi me të cilin luante djali im i parë' – S.

Ndani këshillat tuaja.




Kontakt
© Beba Ime 2010. Kjo uebfaqe përmban informata të një natyre të përgjithshme dhe është e dedikuar vetëm për nevoja edukative. Nëse keni shqetësime për shëndetin tuaj apo për shëndetin e fëmiut tuaj, duhet gjithmonë të konsultoheni me mjekun apo me personel tjetër profesional medicinal.