Zhvillimi dhe rritja
javë pas jave

Çfarë ti thoni fëmiut nëse ju ‘zë’ duke bërë dashuri?

Nëse ndonjëherë ndodheni në këtë lloj situate jo shumë të këndshme, patjetër bisedoni me fëmiun. I thuani që: “Të rriturit kanë nevojë për këtë. Do ta ketë edhe ai kur të rritet. Nuk ka asgjë të pazakontë, të shëmtuar apo të neveritshme”.

Seksualiteti është pjesë e privatësisë tuaj. I përkujtoni fëmiut që edhe ai ka të drejtën e privatësisë së tij, edhe ju tuajën. Kjo e drejtë do të mbetet gjithmonë kështu. Për shembull, ju nuk do ta lexoni ditarin e tij, sepse kjo është pjesë e privatësisë së tij, ti ndëgjoni bisedat e tij telefonike, e as ta përgjoni dhomën e tij kur të ketë shoqëri…Në anën tjetër, ju jeni person i rritur dhe e keni të qartë se çfarë nënkupton privatësia juaj. Një nga të drejtat tuaja në privatësi është edhe e drejta për seksualitet.

Mos e bindni fëmiun që nuk ka e ka parë atë çfarë ishte, ta gënjeni, ti thoni që ju dhe babi “vetëm keni lozur”, që kjo ishte e papritur, apo që bëni dashuri sepse dëshironi ti dhuroni një vëlla apo motër më të vogël.

Edhe nëse qëllimi juaj është të keni fëmijë, mos lejoni që fëmiu juaj të mendojë që ju po duroni dhe po mundoheni tepër (mu ashtu iu duket fëmijëve akti i prindërve duke bërë dashuri) për ti plotësuar atij dëshirën për vëlla apo motër.

Mos harroni që ti thoni fëmiut, që edhe nëse i duket traumatike ajo se çfarë ka parë, seksualiteti është shprehje e afërsisë dhe dashurisë. Veçanërisht, marrëdhënie intime kanë vetëm personat që duhen, dhe të cilët në këtë mënyrë i thellojnë emocionet e tyre.

Përfundimisht, mbani në mend që duke bërë dashuri me partnerin tuaj nuk jeni duke bërë asgjë të turpshme apo të pahijshme – kështu edhe referoheni në bisedën me fëmiun tuaj. Sqarojini atë se çfarë ka parë, kushtojini kohën që të përgjigjeni në pyetjet eventuale që mund ti ketë, dhe jini të relaksueshëm dhe të durueshëm. Nëse në vend të qetësisë ju dukeni të shqetësuar, keni frikë dhe turp, pikërisht ashtu do të pasqyroheni edhe para fëmiut tuaj.

Nena Sumejes (12 muaj më parë)
Une mendoj qe mjafton femijes me ja shpjegu qe Nana dhe Babi kur duhen shume perqafohen ne gjume diqka keshtu asgje me teper se femijet ne diten e sodit qka tkan e folin e mjafton me fol para te afermeve me shpejgu kete teme horr behemi. Po flasim ndoshta kur ritet femija diku 14-15vjec gje qe deri ather e kupton vete. Por femija duhet edukohet me hy ne dhome vetem ateher kur k jepet leja. Fundja nese eshte fmij 6-7v mjafton me ja shpjegu me diqka tjeter me ja hup topin me ja gjujt larg se femijet flasin i kujtohen gjestet ne momente jo tkendshme edhe mjafton qaty. Skemi pse i ngarkojm frmijet me kesi llafe ka kohe bile 12-13v kto gjera dhpejgohen

/komuniteti