Nëse keni patur menopauzë komplete – keni mungesë cikli menstrual për më shumë se një vit – ju nuk duhet të keni gjakrrjedhje menstruale. Madje edhe njollat e vogla të gjakut nuk janë normale pas menopauzës. Nëse keni gjakrrjedhje postmenopauzale, kontaktoni mjekun tuaj sa më shpejtë që të jetë e mundur. Kjo mund të jetë shkak i një sërë problemesh shëndetsore, ku disa prej tyre janë shumë serioze.

Këtu kemi një përmbledhje të shkaqeve më të zakonshme të gjakderdhjes postmenopauzale.

Shumë gjendje shëndetsore mund të shkaktojnë gjakrrjedhje menopauzale, duke përfshirë:

Polipet: Këto janë të rritura, zakonisht jokancerogjene, të cilat mund të zhvillohen në mitër, në qafën e mitrës, ose mbrenda kanalit të qafës së mitrës, dhe mund të shkaktojnë gjakrrjedhje.

Atrofia endometriale (të holluarit e endometriumit): Endometriumi, indi që lidh mitrën, mund të bëhet shumë i hollë pas menopauses, për shkak të zvogëlimit të nivelit të estrogjenit dhe mund të shkaktojë gjakrrjedhje të papritur.

Hiperplasia endometriale: Në këtë gjendje rreshtimi i mitrës bëhet shumë i dendur, zakonisht si rezultat i estrogjenit dhe progesteronit të shumtë dhe si rezultat mund të shkaktojë gjakrrjedhje. Disa pacientë me hiperplasia endometriale mund të kenë qeliza jonormale, gjë që shpie në kancer endometrial (kanceri i rreshtimit të mitrës).

Kanceri endometrial (kanceri i mitrës): Gjakrrjedhja pas menopauzës mund të jetë shenjë e kancerit endometrial.

Shkaktarët tjerë: Terapia hormonale, infeksioni i mitrës apo cervikut, përdorimi i medikamenteve të caktuara, dhe llojet tjera të kancerit mund të shkaktojnë gjakrrjedhje postmenopauzale.

Mjeku juaj mund të përcaktojë shkakun e gjakrrjedhjes tuaj duke vlerësuar historinë tuaj mjekësore, performancën e testeve fizike dhe kryerjen e disa testeve shtesë.

Testet mund të përfshijnë:

Ultrazëri transvaginal: Gjatë këtij testi, një pajisje e veçantë e imazhit futet brenda vaginës në mënyrë që mjeku juaj mund të shikojë në organet pelvike dhe të kërkojë për anomalitë.

Biopsia endometriale: Një tub i hollë futet mbrenda mitrës dhe merret një mostër e vogël nga rreshtimi i mitrës në mënyrë që të dërgohet në laborator për analiza në kërkim të anomalive.

Histeroskopia: Gjatë këtij testi, mjeku juaj do të përdorë një instrument me një kamera të lehtë dhe të vogël për të kontrolluar brenda mitrës dhe të kërkojë për problemet.

D&C (dilatimi dhe kurimi): Ky test lejon mjekun tuaj të largojë indin nga rreshtimi i mitrës në mënyrë që të dërgohet në laborator për analiza.

Ultrazëri dhe biopsia mund të kryhen në ordinancë të mjekut; histeroskopia dhe D&C zakonisht kryhen në spital apo në qendra kirurgjike.

Trajtimi mvaret prej shkaktarit të gjakrrjedhjes. Nëse polipët janë fajtorë , operimi është i nevojshëm për ti hequr. Atrofia endometriale mund të trajtohet vetëm me medikamente; hiperplasia endometriale mund të trajtohet me medikamente, siç është terapia me progestin, dhe/apo operimi mund të largojë zonat e trasha të endometriumit. Nëse keni hiperplasia endometriale, duhet të kontaktoni mjekun tuaj për monitorim të rregullt ditorë.

Shumica e njerëzve me kancer endometrial, mund të trajtohen vetëm me operim. Gjatë operimit, mitra dhe cerviku do të largohen (procedura quhet histeroktomi totale). Në disa raste, hiqet vetëm një pjesë e vaginës; vezoret dhe tubat fallopian poashtu largohen së bashku me nyjet e afërta limfatike. Njerëzit me kancer endometrial të avancuar, mund të kenë nevojë ti nënshtrohen rrezatimit, terapisë hormonale, apo kemioterapisë së bashku me operim për t`u trajtuar.

Edhe pse gjakrrjedhja në dhe gjatë perimenopauzës është normale, gjakrrjedhja pas menopauzës nuk është. Çfarëdo gjakrrjedhje postmenopauzale, pavarësisht se sa është e lehtë, duhet të kontaktoni mjekun tuaj sa më parë që është e mundur. Nëse është kanceri shkaktarë i gjakrrjedhjes, sa më herët që fillon trajtimi, aq më shumë ka të ngjarë që ju do të keni një shërim të plotë.