Parimet kryesore të trajtimit të gruas shtatzënë me mundësi për lindje parakohe, është rregjimi i shtratit, tokoliza (qetësimi i kontraksioneve të mitrës) dhe trajtimi i patologjive të tjera shoqëruese.

Ida, terapia e dhënë ka frenuar aktivitetin e lindjes parakohe, por tashmë kontrollet e tua tek mjeku gjinekolog duhen të jenë më të shpeshta se sa shtatzënitë normale. Shpeshtësinë e tyre e përcakton gjinekologu mbi bazë të ecurisë së shtatzënisë, i cili e vlerëson nga vizitat dhe ekzaminimet që ai kryen. Jo gjithmonë është e mundur të parandalohen lindjet parakohe, megjithë trajtimet që përdoren. Në situatën tuaj, e mira do të jetë të mos kryeni aktivitete të rënda fizike. Rregjimi absolut i shtratit është i dmosdoshëm nëse situata shëndetsore bëhet e rëndë.

Disa nga shenjat e fillimit të aktivitetit të lindjes së parakoshme janë kontraksionet e herë pas hershme të dhimbshme, sekrecionet hemorragjike nga rrugët e lindjes, ndjenja e presionit në pjesën e poshtëme të barkut.

Ida, në këtë periudhë nuk është koha të mendosh për pasojat nga lindja parakohe. Ti duhet të përqëndrohesh në kalimin e kohës së mbetur të shtatzënisë, në mënyrë që të mos lindësh parakohe. Edhe nëse ndodh lindje parakohe, jo të gjithë fëmijët lindin me probleme. Mjeksia e sotme ka mundësi të japë ndihmë rezultative në përmirësimin e çdo situate.

Edhe një herë Ida, uroj ti kalosh me sukses javët e mbetura të shtatzënisë.