javë pas jave
Përshëndetje Lola
Pyetja nuk është naive, por tregon një shqetësim normal të nënës shtatzënë.
Dita e mundshme e lindjes, është data 14-15 tetor 2011. Nuk ka statistika mjeksore, që vërtetojnë se vajzat lindin më shpejt në kohë se djemtë. Gjithashtu, shpeshtësia e lindjes e shtatzënave, është rreth ditës së 280-të të shtatzënisë. Me këto të dhëna dua të them se; edhe fëmija yt duhet të lindë rreth datës të llogaritur sa më sipër. Deri në këtë datë, bebi do të shtojë mbase edhe deri në 1500 gram të tjera.
Prandaj nuk ka arsye përse të shqetësohesh, nëse shtatzënia ka ecuri normale dhe shëndeti yt është pa probleme. Me rregjimin ushqimor, në sasi dhe cilësi, nuk duhet të neglizhosh. Vitaminat duhet t’i përdorësh deri në përfundim të shtatzënisë, ndërsa suplementin me hekur duhet ta marrësh deri 45-së ditë pas lindjes.
Të uroj shtatzëni të mbarë.