javë pas jave
Është shpejt për të thënë se ke mbetur shtatzënë. Fillimisht të rekomandoj që të presësh për dy javë. Nëse menstruacionet nuk të kanë ardhur, bëj testin e shtatzënisë dhe ekografi për të konfirmuar shtatzëninë.
Përdorimi i ushqyerjes së bebit me qumësht gjiri si metodë kontracepsioni, kërkon plotësimin e tre kushteve.
Së pari; ushqyerja e bebit me qumësht gjiri duhet të bëhet aq shpesh sa ai të kërkon, ditën dhe natën por, mos e lini më shumë se tre orë pa e ushqyer. Bebit nuk i duhet dhënë asnjëherë ushqim shtesë, qoftë ky ujë apo lëngje të tjera, sepse qumështi i nënës plotëson çdo nevojë të bebit për 6-të muajt e parë pas lindjes.
Së dyti; nuk kanë ardhur ciklet menstruale.
Së treti: foshnja është 6-të muaj ose më pak.
Ushqyerja me qumësht gjiri, konsiderohet si metodë e rëndësishme kontraceptive. Por shkelja e kushtit të dytë që ka të bëjë me fillimin e ciklit menstrual (rikthimi i menstruacioneve nuk varet nga ty), tregon se ka rifilluar periudha e fertilizimit ose e lindshmërisë. Për këtë arsye, pavarësisht vazhdimit të ushqyerjes së bebin me qumësht, duhet të kishe zgjedhur një metodë tjetër të planifikimit familjar sepse mundësia e shtatzënisë është evidente.
Përshëndetje! kam lindur para 7 muajsh me operacion. I pata menstruacionet për 5 javë pa shkëputje ose pastrim si quhet ndryshe. Pas kësaj su përsëritën për 2 muaj. Pra cikli i rregullt filloi kur çuni u bë 4 muajsh. Tani në muajin e shtatë më është vonu cikli prej 3 ditësh. Ka mundësi të jem shtatzënë megjithëse jam mundu të jem e kujdeseshme? Ju theksoj se çunin e ushqej akoma me qumësht gjiri? Ndikon kjo? Ju faleminderit.