Zhvillimi dhe rritja
javë pas jave

Të ushqyerit me shishe dhe ngërçet

A lajmërohen ngërçet tek foshnjat që ushqehen me qumësht artificial?

Rreth zgjedhjes së ushqimit artificial për foshnjen tuaj gjithsesi konsultohuni me pediatrin

Në bazë të numrit të madh të hulumtimeve është konstatuar që ngërçet lajmërohen tek 25 përqind e foshnjave, pa marrë parasysh nëse ushqehen me gji apo me ushqim artificial.

Megjithatë, egziston mundësia që foshnja juaj të jetë alergjike në proteinat e qumështit të lopës apo në sheqerin e qumështit formula.

Si ta zgjedh ushqimin më të mirë artificial për foshnjen time?

Nëse është dashur që patjetër ti jepni ushqim artificial foshnes suaj për shkaqe mjekësore apo për shkaqe të arsyetuara nuk mund të jepni gji, atëherë së pari konsultohuni me pediatrin tuaj rreth llojit të ushqimit artificial që i përshtatet foshnjes suaj. Në këtë mënyrë do të parandaloni ngërçet.

Shumica e ushqimeve artificiale për foshnja që ndodhen në treg, janë të bazuara në qumështin e lopës, të pasur me proteina, të cilat iu përshtaten shumicës së foshnjave.

Nëse foshnja juaj është jotolerante në laktozë apo në ndonjë proteinë tjetër, mund të provoni me ushqim artificial të bazuar në qumësht soje.

Shmangni ndërrimin e shpeshtë të formulave, sidomos pa konsultim të personave ekspert.

Çfarë janë probiotikët dhe si ndikojnë në zvogëlimin e ngërçeve?

Probiotikët mbajnë një përqindje normale të bakterieve në traktin digjestiv dhe parandalojnë shumimin e bakterieve të dëmshme. Përveç kësaj, probiotikët mund të ndihmojnë në shërimin e sëmundjeve të një spektri të gjërë të traktit digjestiv si dhe në qetësimin e pezmatimeve.

Konsumimi i probiotikëve gjatë shtatzanisë dhe pas lindjes mund të jetë parandalim në rastet e paraqitjes së ngërçeve. Probiotikët ndihmojnë zhvillimin e traktit digjestiv tek foshnjat, duke krijuar një florë të shëndetshme të zorrëve dhe mundësojnë punën e mirë të traktit digjestiv pa ngërçe dhe gazra.

Probiotikët kalojnë në organizmin e foshnjes tuaj përmes qumështit të nënës apo përmes ushqimit artificial, mvarësisht se si ushqehet foshnaj. Nëse e ushqeni foshnjen me gji, që të rritni përqindjen e probiotikëve në organizmin e foshnjes tuaj, duhet ti shtoni ushqimi të saj, sa më shumë prodhime qumështore të fermentuara siç është jogurti, kefiri apo ajka. Nëse foshnja juaj ushqehet me ushqim artificial, atëherë me konsultimin e pediatrit zgjedhni ushqimin i cili përmban përqindje më të madhe të probiotikëve.