Kafeja nuk ka asnjë ndikim në kapacitetin riprodhues të femrës, ndaj ajo mund të pihet në çfarëdolloj momenti, edhe në shtatzëni, mjafton që të mos teprohet.

Studiuesit e “The Lancet e American Journal of Epidemiology”, kanë analizuar ndikimin e kafesë në aftësitë riprodhuese, ku thuhet se pirja e një filxhani kafe në ditë nuk ndikon aspak në zhvillimin e bebit.

Studimi në fjalë u zhvillua mbi 2000 gra shtatzënë, ku gjatë gjithë shtatzënisë u pyetën për sjelljet ushqimore dhe veçanërisht nëse pinin kafe dhe sa herë e pinin.

U vu re se ato femra të cilat pinin kafe rregullisht gjatë shtatzënisë nuk kishin asnjë problem me fëmijën që mbanin në bark, madje u vu re se për nga ecuria e shtatzënisë ishin njëlloj me ato femra që nuk e pinin kafenë.

Më tej gjatë studimit u theksua se deri në 3 kafe në ditë mund të lejohen për femrën edhe gjatë ushqyerjes me gji, pasi sipas studiuesve thuhet se edhe nëse kafeina kalon në qumështin e gjirit, sasia është aq minimale sa që nuk i shkakton asnjë efekt zhvillimit të fëmijës. 01/2014