Zhvillimi dhe rritja
javë pas jave

Shtatzënia dhe festat

Është sezona e festave dhe argëtimeve, por nëse jeni shtatzënë do të ju duhet që ti shmangeni disa gjërave në mënyrën e të jetuarit deri tani…duhet ti baraspeshoni shujtat, ti shmangni pijet e ndaluara dhe argëtimet e vona të mbrëmjeve. Poashtu, duhet shmangur pazaret e lodhshme festive, le ti bëjë këto dikush tjetër për ju.

Aktiviteti fizik

Aktiviteti i matur fizik ndihmon në kontrollimin e apetitit, poashtu zvogëlon stresin dhe brengat. Për këtë, nëse ua lejon gjendja shëndetsore, ushtroni ushtrime të veçanta për shtatzëna dhe shëtituni edhe në kohë të ftohtë dhe në ajër të freskët (por kujdes - vishuni mirë!).

Shmangni stresin

Disponimi në periudhë festive mund të ju marrë. Filloni me pregatitjet për vitin e ri dhe si përfundim jeni nën stres. Lodhja e tepërt nuk është e shëndetshme as për ju e as për foshnjen tuaj. Organizohuni me të afërt tuaj në mënyrë që të ju ndihmojnë.

Argëtimi i vitit të ri

Sigurisht do të jeni të ftuara në ndonjë aheng. Nëse ende jeni në fillim të shtatzënisë dhe nuk e keni bërë publik lajmin e gëzuar, do të ju duhet të sajoni ndonjë gjë, vetëm për të ju shmangur alkoholit. Nëse të gjithë e dinë që jeni shtatzënë, pregatituni në atmosferë relaksuese për tu përgjigjur në pyetjet e ndryshme që do të ju bëjnë në lidhje me amësinë dhe shtatzëninë.

Mos hani në orët e vona të mbrëmjes

Në mënyrë që ta shmangni ngarkesën në lukth, shmangni ushqimin në orët e vona të mbrëmjes dhe mos shkoni të fleni me barkun plot. Nëse ju mundon acidi, disa orë para se të fleni mos hani, ndërsa preferohet që të fleni në anën e majtë me jastekë të vënë në mes të këmbëve.

Zbukurohuni

Natyrisht që për festat e vitit të ri, dëshironi që të dukeni bukur. Blejini vetes rrobe për qefi. Shkoni në ndonjë sallon bukurie që ti rregulloni flokët. Gjithsesi mund të pyesni nëse mund ti ngjyrosni flokët. Ekspertët thonë që nuk ka kurrfarë faktesh që ngjyrosja e flokëve është e dëmshme për shtatzëninë. Por, më së miri shmangni ngjyrosjen në tremujorin e parë të shtatzënisë.

Ushqimi i ndaluar

Shtatzënat nuk duhet të konsumojnë ushqime nga mishi i freskët apo gjysmë i zier, djathërat apo vezët të papërpunuara mjaftueshëm termikisht, djathërat me myk fisnik, qumështi i papasterizuar. Tepricat e ushqimit të festave më mirë ndajini shokëve apo fusni në akull në mënyrë që të mos ndjeni nevojë për ti ngrënë.