javë pas jave
E nderuara Erinda.
Analiza tregon infeksion vaginal. Mjekimi që ka rekomanduar gjinekologu, është i drejtë. Këto lloj infeksione mjekohen me antibiotikë, të spektrit të gjërë të cilët nuk e kalojnë barierën placentare.
Meqënëse uretra ndodhet afër vaginës, ekziston mundësia e infeksionit të fshikzës së urinës, të cilin mjekimi me antibiotikë e parandalon. Infeksioni nëse nuk mjekohet, mund të shkaktoj plasjen e parakoshme të membranave dhe të japë kështu rrezikun e lindjes parakohe. Edhe nëse nuk ndodh sa më sipër, rrezikshmëria e këtij infeksioni mbetet. Mundësia e infektimit të neonatit, të porsa lindurit, mbetet kur kalon në rrugët e lindjes. Gjithashtu rëndësia e mjekimit, qëndron edhe në parandalimin e infeksionit të endometrit, shtresës së brëndshme të mitrës, pas daljes së placentës.
Pra, trajtimi dhe zbatimi në mënyrë korrekte me qëllim që të evitohen komplikacionet që u përmendën është i domosdoshëm.
Shpresoj që çdo gjë të shkoj mirë dhe shtatzënia të ketë ecuri normale.
E nderuara Doktoreshë, ju falenderoj shumë që po gjeni kohë edhe për neve të përgjigjeni në pytjet tona. Jam shtatzënë java e 19. Kam bërë strishon vaginale para 3 dite dhe rezultati ishte ky: Pas inkubimit të mostrës në terenet udhqyese 24/48 orë, është izoluar 1.Enterococcus faecalis dhe 2. Staphylococcus aureus. Preparati mikroskopik: Strisho vaginale: Qeliza epiteliale të shkatërruara, > 10leukocite PMN, koke GR(+) në numër të madh. Laktobacilet nuk vërehen. Ju lutem të më tregoni a është i rrezikshëm ky infeksion dhe sipas juve qka duhet të përdori? Cilat janë shkaqet e këtyre infeksioneve dhe a mund të ketë ndonjë pasojë, ngase mjeku më tha që mund të kalojë në veshkë ky infeksion, andaj duhet të kemi kujdes dhe ta shërojmë me kohë. Gjinekologu më rekomandoj të pi Cefalexin dhe uvin çaj si dhe ta përdori Polygynax-in 12 netë. Ju lutem doktoreshë të më ktheni një përgjigje. Ju përshëndes shumë.