Marrëdhëniet seksuale gjatë shtatzënive normale nuk kanë pse të evitohen. Ato ndalohen vetëm kur gjinekologu sheh rrezik aborti. Deri më sot nuk ka asnjë studim që të evidentoj se orgazma është shkak për abort.

Gjatë shtatzënisë gruaja pëson ndryshime, dhe jo rrallë roli i partneres neglizhohet. Ajo ndjen krenari për fëmijën që po vjen, por njëkohësisht ka ankth mbi ndryshimet e trupit të saj. Ndaj jeta seksuale e regullt gjatë shtatzënisë, përmirëson anën fizike dhe psikologjike të kësaj periudhe. E më e rëndësishme është që çifti të ndihet mirë dhe i sigurtë në vazhdimin e jetës së tyre.

Nuk mund të thuhet se ka pozicione të përcaktuara për të bërë seks gjatë shtatzënisë. I rëndësishëm është fakti që mbi barkun e gruas nuk duhet të ushtrohet presion. Qëndrimi i saj duhet të jetë i qetë dhe i patendosur e sidomos barku nuk duhet të sforcohet. Kujdes duhet treguar për ruajtjen pastër të ambjentit vaginal, sidomos nga infeksionet e ndryshme. Prezervativi është mënyra më e sigurtë për të ruajtur pastër këtë ambjent.

Unë të uroj shtatzëni normale dhe me harmoni familjare.