Përshëndetje Donjeta.

Analizat tregojnë ekspozim ndaj antigjenëve eritrocitar fetal, që i përkasin grupit Rh. D-ja është gjen alel i rhezusit. Për ta kuptuar; fëmija merr gjysmën e komponentëve të materialit gjenetik nga nëna dhe gjysmën nga babai. Antigjenët qëndrojnë në qelizat e kuqe të gjakut. Nëse qelizat e gjakut fetal, depërtojnë në gjakun e nënës, atëherë formohen antitrupat amtarë të cilët hyjnë në qarkullimin fetal duke sjellë problem tek bebi. Kjo që shpjegova është një nga mekanizmat e imunizimit. Nëse përgjigja e testit të coombsit ka dalë negative, tregon se nuk ke antitrupa dhe bebi do kaloj shumë mirë shtatzëninë dhe lindjen. Por edhe nëse je e imunizuar, nëpërmjet trajtimit me imunoglobulina nga mjeku që ndjek shtatzëninë, do të lehtësohesh dhe bebi mund të lindë pa probleme.

Gjithë të mirat.