Kontraceptivët gjatë gjidhënjes
Nida09
(13 vite më parë)
Përshëndetje Nida.
Është e mundur që nënat që ushqejnë fëmijën me qumësht gjiri, të përdorin kontraceptiv hormonal për t’u mbrojtur nga një shtatzëni e padëshiruar.
Emri i kontraceptivit që shkruan është emër tregtar, prandaj të rekomandoj të lexosh fletën shoqëruese ku tregohet nëse përdoret apo jo në periudhën e ushqyerjes me qumësht gjiri. Në praktikën time, për gratë që ushqejnë fëmijën me gji, rekomandoj përdorimin e tabletave mikrolut. Preparati jepen falas në të gjitha qëndrat e planifikimit familjar pranë materniteteve apo konsultoreve të gruas.
Gjithë të mirat.
Pershendetje Doktoreshe!
Jam nje nene e re, kam beben time te pare 2 muajshe. Desha t`ju bej nje pyetje per planifikimin familjar. E ushqej beben me gji dhe nuk dua qe ta nderpres. Ju lutem a mund te perdore kontraceptive pa e nderprere djalin nga gjiri? Me kane dhene 1 lloj qe quhet Micronor por nuk e kam perdorur per arsye se kam shume frike. Ju lutem me thoni çfare mund te bej, se jam ne dileme?! Pres pergjigjen me padurim.
Ju faleminderit shume.