Përshëndetje Lola

Rrjedhja e likidit amniotik, ndodh nga plasja e membranave. Ajo ndodh në çdo moment të shtatzënisë dhe përbën problem nëse fetusi është parakohe. Shprazja e ujrave, referohet për një rrjedhje të menjëhershme apo të vazhdueshme të likidit amniotik, nëpër këmbë. Simptomat shtesë përfshijnë ngjyrën dhe konsistencën e likidit, praninë e pikave të vogla të verniksit apo të mekoniumit, përmasa më të vogla të urteruesit. Ekzaminimi ekografik, konfirmon plasjen e membranave, pasi rezulton sasi të zvogluar likidi.

Shenjat e lindjes parakohe janë; ndjenja e rëndesës në fund të barkut, kontraksione uterine të herë pas herëshme, rënia e një sekrecioni të trashë vaginal me rrema gjaku që është tapa mukoide. Konsultimi me mjekun gjinekolog që bën ekzaminimet e nevojshme, vendos përfundimisht diagnozën.

Fëmija që lind në muajin e 8-të, quhet fëmijë i lindur parakohe, dhe trajtohet si të gjithë fëmijët e lindur paratermit. Me kujdesin mjeksor, ai jeton dhe zhvillohet normalisht me përjashtim të fillimit të vështirë të javëve dhe muajve të parë të jetës. Bëjnë përjashim rastet e rënda dhe të parashikura si lindje parakohe.

Gjithë të mirat.