javë pas jave
Periudha e 40-45 ditëve pas lindjes është periudha e lehonisë, në gjuhën mjeksore quhet periudha puerperale. Ajo është periudha gjatë të cilës organizmi i gruas rikthehet në gjëndjen e parashtatzënisë. Ndaj është i pritshëm edhe rikthimi dhe rifillimi i ciklit menstrual. Por, koha e rifillimit të ciklit menstrual pas lindjes është e menaxhueshme. Ajo mund të shtyhet edhe deri në gjashtë muaj, me kushtin që nëna e re të ushqejë fëmijën e saj vetëm me qumësht gjiri, ditën dhe natën sa herë që bebi kërkon të pijë, por pa kaluar 6-të orë nga njëri vakt tek tjetri.
Rekomandohet që marrëdhëniet seksuale në periudhën e lehonisë, të mos kryhen. Arsyeja kryesore ka të bëjë me kohën e rikthimit në gjëndje normale në përgjithësi të organeve të gruas që ka lindur fëmijë e në veçanti të organeve seksuale.
Nënat lehona duhet të respektohen dhe të mbështeten nga bashkëshortët e tyre dhe nuk duhen imponuar për të kryer marrëdhënie seksuale, nëse ato nuk paraqiten të gatëshme për këtë. Ky kushtëzim nuk ka të bëjë vetëm me shëndetin e saj, por ka të bëjë edhe me anën psikologjike të nënës. Disa studime referojnë se rreth 22-23% nënave lehonë kanë deklaruar se kanë pushuar aktivitetin seksual pas lindjes, ndërsa gati 50% e femrave pas lindjes së tyre kanë pak dëshirë për të kryer marrëdhënie seksuale për një periudhë deri prej 3 muaj pas lindjes.
Kam lindur ne javen e 37 te shtatzanise, me prerje cezarjane - anestezion lokal. Doja te ju pyesja se sa mund te zgjate cikli menstrual pas lindjes dhe kur preferohet te fillohet me marredhenje seksuale? Ju faleminderit