Ekografia është ekzaminim, që realizohet nëpërmjet ultratingujve. Ultratingujt nuk janë të dëmshëm për bebin. Gjatë një shtatzënie normale, rekomandohet realizimi i katër ekografive. Eko e pare, realizohet që në fillim të vonesës menstruale për të konfirmuar shtatzëninë. Eko e dytë, realizohet në javën e 13 të shtatzënisë për të matur transducensën nukale (matje në qafën e bebit që mund të konfirmojë një anomali gjenetike). Eko e tretë, realizohet në javën e 20-22 të shtatzënisë dhe quhet eko morfologjike. Ajo shërben për të parë zhvillimin normal të bebit. Ndërsa eko e katërt, realizohet rreth javës së 38 të shtatzënisë për të parë pozicionin dhe përafërsisht peshën e bebit që mjeku të vendosë nëse duhet kryer një lindje vaginale apo prerje cezariane. E gjitha kjo proçedurë realizohet për një shtatzëni normale.

Nëse mjeku gjinekolog e sheh të arsyeshme, atëherë mund të kryhen edhe ekzaminime të tjera ekografike suplementare.