Pershendetje Zonje,

Parimisht asnje preparat me kombinim barnash nuk eshte mire te perdoret gjate shtatzenise, per shkak te mundesise se nderveprimit te tyre. Ju jeni ne javen e 33te te shtatzenise dhe ne kete periudhe mundesia per t'u demtuar beba eshte shume e vogel, por perpiquni qe te gjeni shkakun e barkqitjes. Barkqitja eshte mekanizem mbrojtes i organizmit, permes se ciles organizmi perpiqet t'i eliminoje produktet te cilat jane te demshme. Mos e keni tepruar me embelsira, akullore, ose mos keni ngrene ndonje ushqim te dyshimte ose qe nuk e keni ngrene me pare? Nese po, atehere pini shume lengje (sepse me barkqitje humben lengjet dhe prandaj ato duhet t'i kompenzoni duke pire me shume), hani ushqime te fresketa (fruta dhe perimet shperlani disa here) dhe jam i sigurt se barkqitje nuk do te keni me.

Dhembja dhe shtrengimi ne bark mund te jene per shkak te infeksionit urinar, mund te jene tkurrje te mitres, por mund te jene edhe tkurrje te muskujve te barkut. Por, patjeter beni nje vizite tek gjinekologu per t'u vertetuar se gjithçka eshte ne rregull. Nese keni infeksion urinar, dhembjet jane te ngjashme me kontraksionet e mitres. Zbulohet duke bere nje analize rutinore te urines dhe mjekohet lehte. Mos harroni se pas 3 javesh duhet te beni strishon vaginale per te zbuluar pranine e mundshme te streptokokut B!

Uroj te keni nje shtatzeni te mbare dhe nje bebe te shendetshme!