javë pas jave
Përshëndetje Ermira,
Dua të tregoj dhe bashkëshortit tënd, se gjatë shtatzënisë ndodhin ndryshime anatomike, fiziologjike dhe biokimike në organizmin e gruas, të cilat vijnë si rezultat i përgjigjës të stimujve fiziologjik fetal. Vagina dhe perineumi, bëhen më të buta, muret e vaginës marrin ngjyrë më të errët dhe gjithë indi parametral, paraqet fenomene imibimi (fryrje) dhe edeme. Sekrecionet vaginale shtohen në nënyrë të konsiderueshme dhe pH (pehashi) varion nga 3.5-6.0. Këto ndryshime, bëjnë që gruaja të mos e ndjejë kënaqësinë që japin raportet seksuale gjatë shtatzënisë. Kjo gjëndje mund të mos u pëlqejë disa meshkujve. Por tek disa të tjerë, gjendja e re u duket interesante e bëhen edhe më seksual.
Normalisht, pas shtatzënisë rikthehet marrëdhënia e qetë dhe e rregullt seksuale.
Por, janë vërtetuar shumë faktor që influencojnë në humbjen e dëshirës seksuale sidomos pas lindjes. P.sh, gratë e lodhura dhe pa gjumë të plotë. Kjo gjendje vjen për shkak të periudhës së lehonisë, angazhimit që kërkon mirërritja e fëmijës së lindur, pagjumësisë gjatë natës që ndodh nga detyrimi për ushqim me gji të fëmijës, detyrimeve të tjera familjare si bashkëshorti, anëtarët e tjerë të familjes, punët e shtëpisë, fëmijët, puna e të tjera argumente si këto.
Tek disa gra, ekuilibrat hormonalë zgjasin mbi periudhën puerperale, për shkak të rigjenermit me vonesë duke humbur kështu interesin seksual. Edhe gjendja e laktacionit është përcaktuar si faktor i humbjes së dëshirës seksuale.
Tek çiftet e reja, lindja e fëmijës së parë mund të jetë një arsye psikologjike e frenimit të të bërit seks me dashuri dhe dëshirë. Vëmëndja kryesore shkon drejt fëmijës, dhe të bërit seks nuk është më prioritet i jetës së tyre. Kulmi arrin atëherë kur nëna e re gjatë aktit seksual, mendjen e ka tek fëmijë dhe jo tek bashkëshorti apo akti që po kryen. Kjo nuk është normale. Prandaj është e këshillueshme, sidomos gratë pas lindjes, ta rimarin në dorë situatën e përmirësimit të marrëdhënieve bashkëshortore, e në veçanti marrëdhënie seksuale për të rikthyer lumturinë e familjes.
Si përfundim mbetet dhe aspekti i fundit që nuk duhet lënë pas dorë. Një kontroll i përgjithshëm tek gjinekologu për të përcaktuar gjendjen shëndetsore e në veçanti shëndetin dhe organet riprodhuese, për të përjashtuar mundësinë e ndonjë infeksioni, apo pasojë tjetër për shkak të aktit të lindjes.
Uroj t’i riktheheni sa më shpejt jetës tuaj normale.
Doktoreshë të përshëndes, punë të palodhshme, e kam një pyetje, pse gjatë shtatzanisë 3 muajt e parë kam patur marrëdhënje seksuale, pas 3 muajve nuk kam fare ndjenja, as tash që 9 muaj që kam lindur nuk kam fare, ku mund të qëndrojë problemi? Ju lutem më ndihmoni se jam afër ndarjes me bashkëshortin sepse dyshon!