Frika për aktin e lindjes, vjen nga shumë faktor.

Intensiteti dhe madhësia e dhëmbjes, është një faktor i rëndësishëm. Dhëmbja dhe frika, janë të lidhura dhe konsiderohen si pjesë e pandashme e lindjes. Vuajtja dhe dhëmbja, lidhen edhe me funksionin estetik të pamjes së trupit të gruas shtatzënë pas lindjes. Por Leonora, në mjeksinë e sotme dhëmbja e lindjes është e kontrolluar. Edhe kontrolli i pamjes së jashme, është i kontrolluar nga vullneti i gruas në zbatim të rekomandimeve shkencore.

Frika për aktin e lindjes, e ka shoqëruar njerzimin në gjithë historinë e tij. Ndaj ajo është bërë pjesë e jona. Po është e vërtetë, përqindjet u ulta të lindjeve të sukseshme dhe përqindjet e larta të mortalitetin amtar, ishte pjesë e kësaj historie. Mjeksia e sotme ka ndryshuar katërcipërisht. Shkalla e sigurisë në aktin e lindjes, është shumë shumë e lartë.

Lindja e fëmijës, e parë në aspektin e transformimit të identitetit të gruas, është frikë dhe kënaqësi. Jo rrallë, frika më e madhe është realiteti i moskthimit mbrapsh i proçesit të lindjes. Por lindja do ndodhë, dhe gruaja si njeri nuk ka zgjidhje tjetër. E gjitha kjo, shoqërohet me frikë. Dhe së fundi, lindja e transformon gruan në rolin edhe të nënës, duke krijuar përsëri frikë. Dhe mendimi i gruas shkon tek përballimi i situatës që po vjen, duke shtuar edhe pyetjen “a do nderohem tek familja, burri, vjerra, të afërmit, shoqet, shoqëria etj”. Leonora, e për çfarë duhen thashethemet e të tjerëve?

E nderuara Leonore. Largoje mëndjen nga akti i lindjes, nga frika për aktin e lindjes.

Largoje mëndjen nga ajo që po ndodh në organizmin tënd dhe lëre trupin të ndjekë ritmet natyrore dhe spontane. Në fund të fundit, përqëndrohu tek ajo që do ndodhi. Ti do lindësh një fëmijë. Sa shumë i rëndësishëm është ky moment, për jetën tënde dhe të familjes që ke krijuar. Lindja e fëmijës është momenti që konkludon procesin krijues të vazhdimësisë së jetës. Tashmë të takon ty, ti flasësh dhe ta përkëdhelësh bebin tënd që është gati për të dalë në jetë. Kaq do të mjaftoj ty dhe çdo nëne tjetër në botë, që ta hedhë tutje frikën e kuptojë që ky është një nga ndodhitë më të bukura të jetës.

Uroj të lindësh një fëmijë të shëndetshëm dhe të bukur.