Në muajin e fundit të shtatzënisë, gruaja fillon të përgatisë gjinjtë për laktacion. Përgatitja konsiston në masazhin e gjirit për të rritur qarkullimin e gjakut, gjë e cila më vonë do të jetë faktor pozitiv për qarkullimin lirshëm të qumështit në kanalet e gjirit.

Masazhi i gjirit bëhet në këtë formë; kapet njëri gji me të dyja duart. Gishtat e mëdhenj, vendosen në pjesën e sipërme të gjirit dhe pëllëmbët mbajnë pjesën e poshtme. Të dyja duar rrëshqiten në drejtim të thithit, me kujdes, pa sforcim dhe pa e bërë të dhëmbshme rrëshqitjen. Ky ushtrim, bëhet çdo ditë për rreth 15 -20 herë për sejcilin gji.

Rrotullimi i thithit të gjirit realizohet në këtë formë; me gishtin e madh së bashku me dy gishta të tjerë pasardhës, kapet thithi i gjirit. Rrotullohet një herë në një krah dhe një herë në krahun tjetër, pa sforcim dhe pa e bërë të dhëmbshme rrotullimin. Ushtrimi përsëritet për të dy gjinjtë, rreth 1 minutë çdo ditë.

Edhe një herë, ushtrimet kryhen nga shtatzëna jo më parë se java e 36-të e shtatzënisë.

Nita, për më tepër informacion kliko në rubrikën perinatologjia. Aty do të gjesh disa artikuj më shumë interes për gjirin dhe qumështin e gjirit.