Dhëmbjet në fund të barkut dhe hemorragjia, nuk janë normale për moshën e shtatzënisë që referon. Ato tregojnë për një shenjë rreziku, për shtatzëninë tënde. Kontrollohu tek mjeku për të përcaktuar shkakun e tyre dhe parandaluar ritjen e rrezikut.

Për të kaluar baktereminë, mjekimi me antibiotik të përshkruar nga mjeku, është domosdoshmëri për të patur shtatzëni normale.

Tensioni arterial i ulur dhe hipoproteinemia, tregojnë që ke mungesë të lëngjeve në organizëm si rezultat edhe i të vjellave. Pa tjetër të rregullosh dietën ushqimore, duke shtuar ushqime me përmbajtje hekuri dhe proteinash siç janë spinaqi, mëlçitë, mishi etj.

Si duhet të ushqehesh gjatë shtatzënisë?

Ushqimi korrekt, është domosdoshmëri themelore për një shtatzëni normale. Frutat dhe jeshillëqet kanë fibra, vitamina dhe kripra minerale. Mishi dhe peshku kanë proteina, kripra minerale dhe vitamina. Buka, patatet, makaronat dhe brumrat e tjera kanë sheqerna, fibra, vitamina dhe protetina. Qumështi, djathi, kosi kanë kalciun, proteina dhe vitamina.

Gruaja shtatzënë duhet të ushqehet rregullisht në tre vakte të caktuara duke shtuar dietën ushqimore paraditen, pasditen dhe diçka pasdarke. Ajo asnjë herë nuk duhet ta ndjejë veten të uritur, ashtu siç nuk duhet të mbingopet deri në dhëmbje barku.

Dieta ushqimore duhet të jetë e ndryshme, e shumëllojshme dhe plotësisht e shëndetshme. Lëngjet mund të pihen sipas dëshirës por asnjëherë me teprim.