Përshëndetje Mari

Edhe me një analizë të spermës që quhet spermogramë, është e mundur të vlerësohet aftësia e saj.

Shkallët e ndryshme të infertilitetit për shkak të spermës, janë të lidhur me një ose disa prej testeve që nuk janë brënda normës. Dhe që përshkruhen si më poshtë.

Vëllimi – intervali normal për një ejakulacion është nga 1.0 deri 6.5 ml;

Koha e lëngëzimit - Sperma është si xhel i trashë në kohen e derdhjes dhe brënda 20 minutash bëhet i lëgshëm. Koha e lëngëzimit është një masë e cila duhet të jetë më pak se 60 minuta. Një kohë më e gjatë, tregon për një problem infeksioni;

Numërimi i spermatozoidëve - në një mililitër duhet të ndodhen nga 20-150 milion spermatozoidë; Morfologjia e spermatozoidëve - është masë që vlerëson në përqindje formën normale të tyre; Lëvizshmëria e spermatozoidëve - është masë që vlerëson në përqindje spermatozoidët që shkojnë normalisht përpara;

pH (pehashi) - është masë që tregon ambjentin acid apo bazik. Ambjenti normal i spermës është nga 7.1-8.0;

Qelizat e bardha të gjakut - qelizat e bardha të gjakut, zakonisht nuk janë të pranishme në spermë. Prania e tyre tregon për mundësinë e një infeksioni;

Niveli i fruktozës - kjo është një masë e shumës së sheqerit të quajtur fruktozë në lëngun seminal. Fruktoza siguron energji për spermën. 1 mililitër lëng seminal duhet të ketë normalisht 3 miligram fruktozë.

Të uroj gjithë të mirat.