Zhvillimi dhe rritja
javë pas jave

6 mënyra se si të humbni në peshë në mënyrë të shëndetshme pas lindjes

Shprehitë e shëndosha dhe ushtrimet

Përmes shprehive të shëndosha në të ushqyer dhe me ushtrime të rregullta, pa shumë mundime mund të arrini pamjen të cilën e keni pasur para lindjes

Shumica e nënave të reja, dëshirojnë të heqin kilogramet e “shtatzanisë” por fatkeqsisht nuk egziston mënyra magjike për ti hequr kilogramet menjëherë pas lindjes. Megjithatë, përmes shprehive të shëndosha në të ushqyer dhe me ushtrime të rregullta, pa shumë mundime mund të arrini pamjen të cilën e keni pasur para lindjes. Nënat e reja për dallim nga gratë tjera, duhet të kenë kujdes sepse iu duhen gjëra ushqimore të caktuara, ashtu që nëna dhe foshnja të jenë të shëndetshëm. Ja disa nga gjërat ushqimore për të cilat duhet patur kujdes që ti konsumoni, në mënyrë që ta riktheni energjinë e humbur dhe të ktheheni në formën e mëparshme.

1. Konsumoni proteina, dhe jo karbohidrate

Gjërat ushqimore që përmbajnë proteina e përmbajnë hormonin i cili “lufton” kundër urisë dhe ju bën të ndiheni të ngopur, më shumë sesa konsumimi i karbohidrateve. Poashtu, shumë burime të proteinave, si psh. peshku, mishi i lopës, vezët, janë të pasura me hekur dhe me vitaminën B12 e cila rikthen energjinë (e cila për nënën e re është shumë e nevojshme!). Vetëm duhet të jeni të kujdesshme në zgjedhjen e copës sa më të hollë të mishit, dhe veçanërisht të keni kujdes në yndyrë, sepse acidet e tepërta yndyrore nuk do të ju ndihmojnë në dietë, e as në brengën për shëndetin tuaj kardiovaskular.

2. Luftoni me rënien e imunitetit

Trauma dhe stresi i pas lindjes, mund të ndikojnë që sistemi imunitar të reagojë përmes ndonjë pezmatimi të brendshëm. Ndihmoni trupin tuaj që të luftojë me rënien e imunitetit, duke konsumuar ushqim të përshtatshëm. Le të jenë të pranishëm në shujtat tuaja, psh. çaji i gjelbër, pemët me kokrra të kuqe, mëlmesa shafran dhe hudhra, ndërsa shmangni sheqerin, i cili rrit nivelin e sheqerit në gjak dhe provokon imunitetin.

3. “Prodhoni qumësht”

Nëse jeni nënë gjidhënëse, shumica e ekspertëve preferojnë që ushqimit tuaj të zakonshëm ti shtoni 500 kalori në ditë. Konsumoni sa më shumë ujë, hani ushqim të pasur me fibra, dhe shmangni pijet alkoholike. Keni kujdes se çfarë hani, sepse të gjitha barten tek foshnja me anë të qumështit, prandaj nëse vëreni që foshnja ka diarre, gazra apo diç tjetër, atëherë kjo mund të jetë pasojë e reaksioneve alergjike në ushqim të caktuar.

Nëse keni mungesë të qumështit, disa nëna por edhe ekspertët, pohojnë që disa bimë, si psh. farat e bimës ‘fenugreek’, kamomili, kopra, stimulojnë prodhimin e qumështit. Natyrisht para se të filloni ti konsumoni këto çajra, duhet të konsultoheni me mjekun tuaj.

4. Alfabeti i vitaminave

Keni kujdes të merrni vitaminat të cilat kanë më shumë rëndësi.

Vitamina A humbet në sasi të madhe gjatë periudhës së gjidhënjes. Duhet të merrni rreth 1300 mikrogramë gjatë ditës, përmes gjërave ushqimore të pasura me këtë vitaminë (spinaq, karrotë, lakër jeshile).

Vitamina C gjithashtu bartet përmes qumështit, për këtë ju nevojiten rreth 120 miligramë në ditë. Burim i mirë janë specat e kuq, portakalli dhe brokoli.

Vitamina D forcon eshtrat dhe krijohet nga ekspozimi në rreze të diellit, megjithëse shumë nëna kohën më të madhe e kalojnë në hapsira të mbyllura, për këtë kanë nevojë për konsumim rreth 5 mikrogramë. Burim i mirë janë vezët, këpurdhat, qumështi…

Vitamina E është e mirë për qarkullim dhe duhet të merrni rreth 19 miligramë në ditë, ndërsa këtë vitaminë mund ta gjeni në pemët e arrës (arrat, lajthitë, bajamet), farat e lulediellit dhe vezët.

Kaliumi shumë gjëra ushqimore multivitaminoze nuk e përmbajnë këtë mineral i cili zbret shtypjen e gjakut. Nevojitet të merrni rreth 3500 mg. Më së shumti gjendet në babane, agrume, pjepër…

5. I rëndësishëm është konsumimi i kalciumit

Edhe pse egzistojnë disa diskutime rreth asaj se sa kalcium i duhet nënave gjidhënëse, nga rekomandimet aktuale konsumimi i kalciumit duhet të jetë i njejtë tek të gjitha gratë (pa marrë parasysh nëse janë shtatzëna, nëna gjidhënëse, apo jo).

Për eshtra dhe dhëmbë të fortë, mundohuni të merrni mjaft prodhime qumështore me pak kalori, por edhe gjëra të tjera ushqimore të pasura me këtë mineral, siç janë fiqtë, fasulet, bizelet dhe perimet me gjethe të gjelbëra.

Një studim jo shumë i largët ka theksuar që suplementet e kalciumit nuk ndihmojnë në parandalimin e humbjes së fortësisë së eshtrave gjatë periudhës së gjidhënjes, prandaj mundohuni që me konsumim të ushqimit të pasur me kalcium të siguroni sasi të mjaftueshme ditore, gjer në 1000 mg.

6. Zbuloni magjinë e vajit të peshkut

Acidet yndyrore Omega 3 nga peshku dhe suplemenet e vajit të peshkut përmirësojnë zhvillimin motorik, ndijor dhe njohës tek foshnjat. Qumështi i nënës është i pasur me acide ‘të mira’ yndyrore Omega 3 – DHA dhe DD, të cilat shërbejnë në zhvillim të trurit tek i posalinduri.

Preferohet doza ditore nga 0.3 gjer në 0.5g DHA, ndërsa burimi më i mirë janë salmoni, tuna dhe arrat. Gjithashtu ka edhe një përparësi. DHA nuk është e mirë vetëm për fëmijët – tek nënat zvogëlon indikacionet për paraqitjen e depresionit postnatal (depresionit të pas lindjes).