Ju mund të konstatoni një vrull në zhvillimin fizik të fëmijës tuaj, gjatë këtij muaji. I vogli juaj është më i sigurtë në këmbët e tij, pëlqen të ngjitet në të gjitha mobiljet tuaja dhe mund të bashkohet me ju apo edhe babain e tij në një lojë futbolli, ose lojra të tjera fizike, në qoftë se ai përqendrohet mjaftueshëm. Ai mundet të mbajë gjithashtu një kujtim të qartë të një objekti në mendjen e tij, edhe pasi ta hiqni atë nga sytë e tij. Ju mund të përfitoni nga kjo aftësi e re e tij, duke luajtur fshih – dhe – gjej me lodrën e tij të preferuar.
Mund të ketë ditë kur e gjithë energjia fizike e tij, është më shumë se sa ju mund të përballoni. Në vend që ta luftoni atë – pasi në fund të fundit, ju nuk do të mund të bëni asgjë për ta ndryshuar atë – hiqini këpucët, vini pak muzikë, rrëmbeni të voglin tuaj dhe shpikni disa hapa të reja vallëzimi së bashku. Fëmija juaj nuk do të ketë nevojë për këpucë derisa ai të fillojë të ecë. Kur ai të fillojë të ecë, ju mund t’ju duhet të paguani pak më shumë për cilësinë, por është diçka që ja vlen. Mundohuni të gjeni një dyqan këpucësh të kualifikuar, pasi këmbët e foshnjës mund të shtypen lehtësisht.