Pëlqeje në
E pelqej BebaIme.com në Facebook

Foshnje #Foshnjat me Sindromin Daun > Në pritje të foshneve me Sindromin Daun (Down syndrome)


Përmbajtja


Çfarë është Sindromi Daun?

Sindromi Daun është anormali kromozonale që shkaktohet në 1.3 në 1.000 lindje

Nëse jeni në pritje të foshnjes me Sindromin Daun (DS) në familjen tuaj, atëherë me siguri që keni shumë pyetje dhe shqetësime.

DS është anormali kromozonale që shkaktohet në 1.3 në 1.000 lindje. Është më e shpeshtë në lindjet tek gratë në moshën mbi 35 vjeçare. Për disa arsye të paspjegueshme, gabimi në zhvillimin e qelizave rezulton me 47 kromozome, më tepër se zakonisht me 46, dhe materiali i gjenit shtesë ndërron lehtë renditjen e zhvillimit të trupit dhe trurit.

Foshnjet me këtë çrregullim janë më shumë si në zhvillim tipik të foshnjeve se sa që janë ndryshe. Dhe në rritje e sipër, do të vëreni që ka një diversitet të madh në termin e personalitetit, mënyrës së të mësuarit, inteligjencës, paraqitjes, humorit, pëlqimit, dhembshurisë, afërsisë dhe qëndrimit.


Cilat janë karakteristikat e Sindromit Daun?

Fëmijët me DS më shumë duken si familjarët e tyre se sa si të tjerët. Ata do të kenë sasi të plotë të emocioneve dhe qëndrimit, të kreativitetit dhe imagjinatës në lojëra dhe në çapkënëri, dhe rriten që të jetojnë jetën të pavarur me përkrahje të ndryshme dhe me akomodimin që iu nevojitet. Sindromi Daun nuk do të jetë gjëja më interesante lidhur me djalin apo vajzën tuaj. Mbani në mend që rritja e fëmiut, mbush jetën tuaj me kënaqësi të paimagjinueshme dhe vështirësi. Nuk mund të thuhet se çfarë do të ndodh me fëmiun tuaj më tej.

Fëmijët me DS përfitojnë përkujdesje, vëmendje dhe përfshierje në jetën në komunitet sa edhe çdo fëmijë tjetër. Si me të gjithë fëmijët, edukimi kualitativ në shkolla apo në qendra parashkollore është i rëndësishëm që të përfshijë të gjitha mundësitë që i nevojiten fëmiut juaj për të zhvilluar aftësi tsë forta akademike.

Në testet standarde të IQ, fëmijët me DS shumë shpesh rezultojnë në ngadalësi, në moderim të rangut, të pengesave mentale. Por këto teste nuk bëjnë matjen e zonave me rëndësi të inteligjencës, dhe ju do të befasoheni me memorien e fëmiut tuaj, kreativitetin, mendjehollësinë dhe mençurinë. Por fatkeqsisht, niveli i lartë i paaftësisë për të mësuar në studentet me DS mund të maskojë nivelin e aftësisë dhe talentit.

Gjithashtu, fëmijët me DS janë shfrytëzues të hershëm të evaluimeve të gjëra shëndetësore dhe intervenimeve profesionale, por e rëndësishme për tu mbajtur në mend është që çdo fëmijë meriton të jetë i rrethuar nga njerëz që i duan, i respektojnë dhe admirojnë të gjithë fëmijët.

Individët me DS mund të identifikohen nga aftësitë e panumërta fizike. Disa nga këto karakteristika janë:

• Sy të bukur në formë bajame, që lënë përshtypje

• Një rrudhë e vetme e pëllëmbës në njërën apo të dy duart

• Tipare të vogla të fytyrës

• Inteligjencë sociale të veçantë

• Nivel të lartë të defekteve të lindura në zemër (35 deri ne 50 %) – fëmiu juaj duhet të bëjë një ekokardiogram mbrenda dy muajve të parë të jetës.

Organizatat kombëtare sigurojnë një listë mjekësore për individët me Sindromin Daun, ndoshta do të dëshironit që tia kaloni këtë mjekut të fëmiut tuaj.


A egzistojnë lloje të ndryshme të këtij çrregullimi?

Janë tre grupe kryesore të Sindromit Daun. Foshnja mund të ketë Trisomy 21 – prezenca e materialit të gjenit shtesë në çiftin 21 të kromozomeve, të rezultuar nga anomia në ndarjen qelizore gjatë zhvillimit të vezës apo spermës apo gjatë fertilizimit. Rreth 95 % të njerëzve me DS kanë Trisomy 21.

Rreth 4 % kanë Translocation, ku kromomozomi shtesë 21, shkatërrohet dhe bashkohet me një tjetër dhe rreth 1 % kanë Mosaicism, ku vetëm disa qeliza kanë Trisomy 21.


Si do të jetë jeta për fëmiun që rritet me Sindromin Daun?

Fëmiu juaj do të ketë më shumë mundësi se sa një fëmi i lindur me DS, 5 vite më parë. Të rinjtë me DS kanë treguar që mund tia dalin në fushat që nuk është menduar se është e mundur. Por për ta arritur këtë duhet të kenë mirëkuptimin dhe përkrahjen e komunitetit të tyre. Nëse integrohen në programet e nivelit të lartë, dyert do të vazhdojnë të iu hapen.

Me mijëra të rinj me DS rreth botës, po vazhdojnë të jetojnë jetën e tyre pa reputacion apo fanfarën dhe po bejnë transformime në komunitetet e tyre vetëm duke qëndruar aty. Ata kanë ëndrra dhe vendosmëri për të arritur qëllimet e tyre. Ata mësojnë në shkolla me fëmijët tjerë, me të cilët një ditë do të bëhen ortakë, kolegë, komshinj apo shokë.


A duhet të bëj diçka ndryshe që të pregatitem për lindjen e foshnjes sime?

Mundohuni që të pushoni. Jeni e lejuar të ndjeni atë çfarë ndjeni, po aq sa edhe ata që ju duan juve dhe foshnjen tuaj. Lindja është një punë e vështirë; shumë emocione të juaja ndalojnë nga jeta e re duke kaluar në familjen tuaj. Ju meritoni urime dhe dhurata të mrekullueshme.

Pregatituni të mirëpritni dhe kënaquni me foshnjen tuaj – ata rriten shumë shpejt.

Lejoni që familjaret apo shokët të mësojnë rreth DS, duke i kujtuar atyre nëse është e nevojshme, që kjo është vetëm një pjesë e asaj se kush është fëmiu juaj dhe kush do të bëhet.




Shto Koment

  • Dionqe (1 vite më parë)
    Urime te githe prinderve qe do e keni mundesin te e rrisni dhe edukoni nje engjell te veqante..... Kam djalin 7 vjeqar qe posedon ds (mosaik) dhe nga pervoja personale ju garantoi qe femiu juaj do ju mbush zemren me lumturi cdo dite...Nje porosi te veqant e kam per ju: gjuhen me shenja duhet qysh ne moshe te hershme ta perdorni me femijen tuaj sepse i ndihmon te flas me heret, dhe flisni gjithe kohen me femijen tuaj edhe kur nuk e kuptoni as nje gje qe thot behuni sikur e keni kuptu ...Duaje shume femijen tuaj se do tju à kthei duplo....

kthehu
Kontakt
© Beba Ime 2010. Kjo uebfaqe përmban informata të një natyre të përgjithshme dhe është e dedikuar vetëm për nevoja edukative. Nëse keni shqetësime për shëndetin tuaj apo për shëndetin e fëmiut tuaj, duhet gjithmonë të konsultoheni me mjekun apo me personel tjetër profesional medicinal.