Zhvillimi dhe rritja
javë pas jave

Ushqimi gjatë periudhës së gjidhënjes

A duhet të ha më shumë gjatë gjidhënjes?

Nuk keni nevojë që të hani për dy vetë, si dhe gjatë shtatzanisë. Më e rëndësishme është që të hani ushqim të shumëllojshëm, të pasur me proteina, të hani shumë pemë dhe perime, dhe ti shmangeni ushqimit i cili ju trashë, dhe nuk ka vlera ushqimore. Është ide e gabuar që duhet të hahet shumë dhe që egzistojnë gjëra ushqimore të cilat rrisin sasinë e qumështit (birra, brumi i thartë…).

Çfarë lloj ushqimi duhet të konsumoj gjatë gjidhënjes?

Në ushqim duhet futur të gjitha llojet e ushqimit, me sasi të mjaftueshme të ushqimit të pasur me proteina, pemë dhe perime. Mundohuni të hani ushqim të shëndetshëm: bukën e bardhë zëvendësoni me të zezën, grickat zëvendësoni me pemë, ushqimin e yndyrshëm zvogëloni apo largojeni, por për këtë hani sa më shumë perime dhe ushqim me strukture fijore.

Në vend të lëngjeve të gazuara dhe artificiale, pini ujë, limonadë të ëmbëlsuar me mjaltë dhe lëngje të freskëta natyrale.

Largoni ushqimin i cili bën gazra (bizelja, pasuli, lakra), zvogëloni konsumimin e kafesë, çokolatës, piperit, specave pikantë dhe mëlmesave të tjera të forta sepse foshnja mund të ketë ngërçe nga këto gjëra ushqimore.

A duhet të marr shtesa vitaminash gjatë gjidhënjes?

Para së gjithash është e nevojshme që të ushqeheni në mënyrë të mjaftueshme dhe kualitative. Nëse konsumoni shumë pemë dhe perime, nuk është e nevojshme të merrni preparate vitaminash shtesë. Megjithatë, shtesat e vitaminave nuk do t`ju dëmtojnë, sidomos nëse keni qenë anemike gjatë shtatzanisë. Nëse dëshironi të pini preparate vitaminash, vazhdoni me ato të cilat i keni përdorur gjatë shtatzanisë, sepse ato kanë përbërje të balansuar mirë edhe për periudhën e gjidhënjes.

A duhet ti jap foshnjes vitamin D?

Po, udhëzimet e mjekut janë që foshnjes ti jepet vitamina D, sidomos në periudhën e dimrit. Me këtë vitaminë duhet filluar kur foshnja mbush 15 ditë. Flisni me mjekun i cili përcjell zhvillimin e foshnjes suaj dhe ai do të ju këshillojë për sasinë dhe llojin e preparatit të cilin duhet marrë.

servete shala (4 vite më parë)
pershendetje deshta te di si dhe pse ju bjen sarillaku foshnjeve te posalindura deh a lan pasoja ne foshnje

/komuniteti