Përshëndetje Ilda.

Është mjaft bukur kur një çift vendos për të filluar një shtatzëni. Uroj që kjo të ndodhë sa më shpejt. Por,… ja që gjithmonë ka një “por”. E thënë thjeshtë, “por” do të thotë siguri për ecuri normale dhe të shëndetshme të shtaztënisë. Prandaj, këshillimi me mjekun gjinekolog përpara konceptimit është i domosdoshëm.

Klinika mjeksore, përdorin praktika dhe rekomandime të ndryshme që i jepen çiftit përpara se të konceptohet shtatzënia. E rëndësishme është që shëndeti i nënës dhe babait dhe në veçanti shëndeti riprodhues i tyre, të jenë në kushte sa më optimale para, gjatë dhe pas përfundimit të shtatzënisë.

Në praktikën time unë rekomandoj, kryerjen e këtyre testeve diagnostike: vizitë e përgjithshme mjeksore, vizitë gjinekologjike, Pap-test, strisho vaginale, harta gjenetike, sipas rastit disa dozime hormonale, grupi gjakut dhe faktori Rh, disa ekzaminime të gjakut ku përfshihet gjaku komplet dhe elektroforeza e hemoglobinës, vizitë dhe kontroll tek stomatologu, spermogramë tek mjeku androlog.

Ilda, Ju uroj fillimin e mbarë të shtatzënisë që dëshironi.