Alketa, qëndrat e planifikimit familjar funksionojnë kudo. Ato kanë mjek dhe personel shëndetsor të kualifikuar. Për të mos patur shtatzëni të pa dëshiruar, në qëndrat e planifikimit familjar mund të merrni këshillat e nevoshme dhe të domosdoshme mbi metodat e kontracesionit. Është e drejta tënde dhe e bashkëshortit, të bëni zgjedhjen që ju bën të ndiheni komod. E mira është që edhe mendimi i konsultës mjeksore të zërë vënd në këtë zgjedhje.

Në eksperiencën time 30 vjeçare, përdorimi i DIU (apartit spiralë, sterileja) është medoda kontraceptive më e përdorur pasi paraqet efikasitet deri në 99%. Midis avantazheve, si më kryesori i kësaj metode kontrolli të lindjeve, është mos ndërhyrja tek raporti seksual i çdo kohshëm. Por këtë metodë kontracepsioni nuk duhet ta përdorin gratë që janë ose dyshojnë për; shtatzëni, tumore të ditura ose të dyshuara në organet gjenitale, infeksione gjenitale, hemorragii vaginale deri sa të përcaktohet diagnoza, alergji ndaj bakrit, çiftet e pasigurtë në jetën seksuale.

Gjithësesi është e drejta juaj të vendosni për metodën e kontrollit të lindjes.

Më vjen shumë mirë që keni vendosur të bëni fëmijën e rradhës pas 3 vjetësh. Është e mira ta shtyni edhe 1 vit. Në literaturën e sotme bashkëkohore, është e referuar mbi shanset shumë më të mira për shëndetin e fëmijës dhe nënës në përgjithësi, nëse fëmija i rradhës lind 3 deri në 4 vjet më pas nga fëmijës paraardhës.

Të uroj ty dhe familjes tënde për lindjen e fëmijës së parë. Uroj gjithashtu që ai të jetë fëmijë i shëndetshëm dhe i lumtur.