Përshëndetje Rina.

Së pari, dua të uroj që zhvillimi i fëmijës tënd të ketë ecuri normale. Kjo është më kryesorja e kryesore, të shtatzënisë tënde.

Rina, në mjeksinë bashkëkohore është vlerësuar që një shtatzëni normale, ka kohëzgjatje deri në 40-të javë. Kjo nuk do të thotë, se të gjitha shtatzënitë zgjasin 40-të javë. Për shkaqe dhe arsye të ndryshme, kohëzgjatja ndryshon kryesisht me tendencë për më pak se 40-të javë.

Kur kohëzgjatja e shtatzënisë vlerësohet me muaj, duhet patur parasysh se një muaj kalendarik ka mesatarisht diçka më tepër se 30 ditë. Pavarësisht se sa muaj të kanë thënë që je shtatzëninë, e mira është që lindja jote të ndodhë në javën e 40-të ose rreth ditës së 280-të të shtatzënisë. Nuk dua të polemizoj me ata, që në Gjermani të kanë thënë se je në muajin e 9-të, sepse për mua ti je 33 javëshe ose 231 ditë plus nga 1 deri në 7 ditë (duke konsideruar të vërtetë referimin tënd) dhe po ta konvertosh me 30 ditë që ka një muaj, i takon që shtatzënia të jetë në në muajin e 7 muaj plus 21 deri në 28 ditë (lëvizja e ditëve deri në plus 7ditë, vjen nga që nuk e di saktësisht se sa ditë plus është shtatzënia jote, mbi 33 javët që më referon).

Rina, u zgjata pak, me shumë numra e me shumë llogaritje duke u munduar të të shpjegoj me shpresë për të qënë e vlefshme për paqartësinë tënde.

Por mua më duket se nuk kanë fare rëndësi këto llogaritje, për kohëzgjatjen e shtatzënisë. Do ndihesha më mirë nëse do të na tregoje diçka mbi ecurinë e shtatzënisë tënde, mbi eksperiencën tënde me shtatzëninë për nënat dhe gratë që kanë shumë nevojë të mësojnë mbi shëndetin riprodhues.

Të uroj të lindësh një fëmijë të shëndetshëm.