Trakti urinar gjatë shtatzënisë zgjerohet. Ky ndyshim fiziologjik së bashku me ndryshimet në përbërësit e urinës, e predispozon gruan shtatzënë për infeksione të traktit urinar, një ndërlikim ky i shpeshtë i shtatzënisë. Ndryshimet në veshka gjatë shtatzënisë pasqyrohen në rritjen e fluksit të gjakut, rritjen e filtrimit glomerular, kreatinina urea në plazmën e gjakut janë të ulura dhe glukozuria është normale.

Kjo do të thotë se, nëse ju keni patur probleme me veshkat apo problemet kanë lindur gjatë shtatzënisë, duhet të trajtohen edhe gjatë shtatzënisë pasi ndërlikimet mund të rriten. Për të përcaktuar diagnozën do t’ju rekomandoja konsultë me nefrologun, i cili do t’ju ndihmonte me terapi mjeksore për zgjidhjen e këtij problemi.