Ka arsye për të besuar se shpeshtësia e infeksioneve të traktit urinar në shtatzëni, është shumë e lartë. Këto infeksione mund të jenë simptomatike dhe asimptomatike. Patologjitë mund të shoqërohen me shenja që është e vështirë të dallohen nga ato të një shtatzënie normale si p.sh. urinimi i shpeshtë. Diagnoza më e besueshme vendoset nëpërmjet analizës bakteriologjike sasiore.

Ndaj ju rekomandoj të kryeni një analizë të thjeshtë që quhet urokultura. Nëqoftëse ajo do t’ju rezultojë normale, atëherë urinimi i shpeshtë mund të vijë si rezultat i shtypjes që i bën koka e bebit fshikzës së urinës. Për të vlerësuar një nga dy mundësitë duhet të drejtoheni tek gjinekologu për ekzaminim, pasi trajtimi është i ndryshëm.

Nëse keni infeksion urinar duhet të merni 5-7 ditë trajtim me antibiotikë. Ndërsa në rast se nuk keni infeksion urinar, atëherë duhet të merrni trajtim që ka të bëjë me rilashimin e fijës muskulare të mitrës.