Përshëndetje Marsi. Dëshirën dhe kërkesën tënde për lindje normale, duhet t’ja bësh të pranishme mjekëve ku konsultohesh apo atyre që do të ndjekin proçesin e lindjes. Nëse ata mendojnë ndryshe, duhet të të bindin me argumente dhe jo thjeshtë me dëshirën sa për të kaluar rradhën, pasi lindja me prerje cezariane konsiderohet edhe si rruga më e lehtë dhe e sigurtë për mjekun. Edhe një herë, Marsi. Nëse çdo gjë është normale në shtatzëninë tënde, duhet të lindësh në rrugë natyrore. Nëse paraqiten rreziqe që kanë të bëjnë me shëndetin tënd apo të fëmijës, duhet pranuar rruga me prerje cezariane. Nuk mendoj se duhet të merret në konsideratë, se si dhe çfarë u ka ndodhur shoqeve të tua. Ato mund të kenë pasuar problem të atilla, që mjekët janë detyruar të realizojnë lindjen me prerje cezariane. Prandaj të rekomandoj, t’i largohesh stresit që të është krijuar. Kjo gjendje të dëmton ty dhe fëmijën tënd. Deri në javën e 37-të, tek mjeku duhet të paraqitesh çdo dy javë. Më pas, paraqitja duhet të bëhet më e shpeshtë, çdo javë. Të uroj të lindësh një fëmijë të shëndetshëm.