Përshëndetje Jeta.

Ekografia vaginale, është teknikë diagnostike ku mjeku përdor ultratingujt për të vizualizuar organet gjenitale femërore. Ekografi është aparat që emeton ultratinguj dhe kryen pamjen e organeve gjenitale. Në pjesën më të madhe ekzaminimi kryhet nga barku duke individualizuar kështu praninë e shtatzënisë ose të masave të ndryshme të organeve gjenitale të brëndshme. Ekzaminimi ekografik me rrugë vaginale jep pamje direkte dhe komplete të organeve gjenitale femërore. Ky ekzaminim preferohet të bëhet jo në periudhën kur gruaja është me cikël menstrual dhe mund të dallojë në mënyrë të qartë edhe shtatzëni të vendosur brënda apo jashtë mitrës duke dhënë imazh korrekt të saj. Është teknikë e padhimbëshme dhe zgjat afërsisht 15 minuta.

Eko vaginale që keni kryer 5 ditë prej datës së fundit të ciklit menstrual, nuk mund të konfirmoj shtatzëni sepse organet gjenitale akoma nuk kanë arritur të kryejnë ciklin e ovulacionit. Nëse thoni se keni kryer ekzaminimin ekografik në ditën e 5-të të vonesës menstruale, atëherë ekografia vaginale e konfirmon shtatzëninë e mundshme.

Gonadotropinat korionike ekzistojnë në urinën e grave shtatzëna dhe vlerësimi i tyre bëhet me testin e shtatzënisë. Vlera që referoni, tregon se jeni shtatzënë. Përdorimi i medikamenteve që ju ka rekomanduar gjinekologjia, është i përshtatshëm dhe përdoret gjithnjë në situata të pa konfirmuara, pasi përdorimi i uterogestanit do të konfirmojë shtatzëninë tuaj.

Kontrollin pasardhës bëjeni në atë kohë që ju ka rekomanduar gjinekologia, pasi ekografia vaginale nuk është e dëmshme dhe nuk dëmton shtatzëninë e parë apo e rradhës.

Uroj që të konfirmohet shtatzënia juaj e parë.