javë pas jave
Me sa të dhëna që ti referon Lae, nuk më jep mundësi të arsyetoj dhe të rekomandoj mbi gjendjen tënde. Ndaj po tregon rastet kryesore mbi pozicionet e bebit gjatë shtatzënisë. Pozicioni mbrapsh i bebes ose paraqitja podalike është rasti kur fetusi vendoset në hapsirën uterine duke paraqitur për dalje podiumet. Në rastet kur kofshet e bebit janë të kthyera mbi bark, atëherë në planin e hyrjes paraqiten vetëm podiumet, ndërsa në raste të tjera bebi paraqet të dy këmbët ose njërën këmbë ose gjynjët.
Para javës së 28-të të shtatzënisë, fetusi është mjaft i vogël në raport me vëllimin intrauterin dhe lëvizshmëria e tij intrauterine, nuk përbën komponent të vlerësimit klinik. Kjo ndodh gjithmonë para javës së 28 të shtatzënisë. Më pas ulen volumet intrauterine dhe ndryshimet e pozicionit të bebit, janë më të vështira.
Ju nuk më thoni se në çfarë moshe është shtatzënia. Nëse shtatzënia është nën 28-së javë, pozicioni i bebit ka shumë gjasa të ndryshojë. Ndërsa nëse shtatzënia është mbi 28-të javë, bebi spontanisht mund të marrë paraqitje podalike.
Në lidhje me dhimbjet që keni në fund të barkut, këshilloj marrjen e preparateve qetësuese dhe rilashuese për fijen muskulare të mitrës, siç janë tabletat me fluroglucinol. Gjithashtu edhe situatën e ecurisë së shtatzënisë, rekomandoj ta mbani nën kontroll me ndihmën e mjekut që do ju shoqërojë deri në lindje.
Bebi momentalisht ndodhet mbrapsht, a ka ndonje problem sepse kur me shqelmon ndjej dhembje ne fund te barkut...