Jeta, më vjen keq për shtatzëninë që ke humbur.

Pas këtij momenti të pa dëshiruar, dy janë problemet kryesore që dalin përpara mjekut dhe gruas e cila ka abortuar. Së pari; mbrojtja e organet gjenitale nga ndonjë infeksion i mundshëm për shumë shkaqe, dhe së dyti; gjetja e shkakut të abortit.

Trajtimi me antibiotikë, është një mbrojtje shumë e mirë kundër inflamacioneve të organeve gjenitale. Ekzaminimi me ekografi qoftë edhe vaginale (ekografia është aparat që ekzaminon me ultratinguj/ultrazë), shërben për të kontrolluar gjëndjen e organeve gjenitale pas pastrimit të mitrës nga mbetjet e mundshme. Paralelisht dhe pas kësaj, vëmëndja e mjekut dhe e juaja, duhet të përqëndrohet në zbulimin e shkakut të ndodhjes së abortit, i cili duhet të korrigjohet me terapinë e nevojshme dhe të domosdoshme që rekomandon mjeku.

Të uroj Jeta, jetë të shëndetshme dhe sukses në shtatzëninë e rradhës.