Vlerësimi i mirëqënies fetale, mund të relizohet përmes shumë teknikash. Matja e jashtme e frekuencës kardiake fetale (RZF), kryhet nëpërmjet përdorimit të një fluksi të vazhdueshëm ultratingj të fokusuar në zemrën fetale. Sinjali kompleks që përfitohet, kalon në monitorin e frekuencës kardiake duke dhënë një kurbë të frekuencës kardiake fetale që ngjason shumë me atë të përfituar nga një elektrokardiogramë fetale. Në një shtatzëni me ecuri normale, vihen re 120/160 rrahje në minutë. Nëse kalohet apo zvoglohen këto limite, do të ishin të domosdoshme realizmi i testeve të tjera suplementare, të cilat do të jenë të domosdoshme për të shmangur lindje jatrogene (të shkaktuar nga gabimi njerzor).

Prandaj nuk keni përse shqetësoheni kur RZF ka rezultuar 157/180 rrahje për minutë, pasi rekomandimi që ka dhënë mjeku është mëse i drejtë. Zakonisht gjëndja emocionale e nënës, ndikon edhe tek rrahjet e zemrës fetale. Kjo mund të jetë arsyeja e nivelit të rrahjes së zemrës fetale, e konstatuar nga mjeku. Prandaj një kontroll i dytë pas disa ditësh, do e qartësojë situatën e rrahjes së zemrës fetale. Mundohuni të mos jeni e stresuar kur gjendeni përpara mjekut apo kur bëni ekzaminimet e domosdoshme për bebin.

Mendoje eksperiencën e bukur të shtatzënisë. Ti Ilda, dhe bebi yt nuk keni asnjë problem shëndetsor. Ai do lind i fortë dhe i bukur.