Shtatzania, mund të favorizojë kandidozë të herë pas hershme. Ajo mund të paraqitet edhe pas lindjes, por nuk do të thotë se shkaku është ekzistenca e saj gjatë shtatzënisë.

Prania e kandidozës mund të vijë nga bashkëshorti nëpërmjet transmetimit seksual, ashtu siç ka raste që mjafton ushqimi i keq, i pasur me sheqer të bardhë, karbohidrate, yndyrna apo gjëndje stresi nga menstruacionet ose shtatzënia apo përdorimi i antibiotikëve, që mjaftojnë për të prishur florën bakteriale dhe kandida të marrë zhvillim.

Aparati tretës dhe ai gjenito-urinar tek gruaja janë afër, ndaj është e lehtë shfaqja e simptomave vaginale që mund të jetë e pranishme me shfaqen e kruarjeve ose rrjedhje si qumësht i prerë ose me të dy shënjat së bashku. Ndodh që kandidoza të jetë pa shenja dhe mund të gjendet gjatë kryerjes së një Pap-testi të rastësishëm.

Ekzistenca e kandidozës në një periudhë të caktuar kohore, nuk paraqet problematikë për shtatzënitë e mëvonshme. Megjithatë, këshilla kryesore është; ndihmoni veten nëpërmjet mënyrës së ushqyerjes, përdorni preparate me fermente laktike dhe qëndroni e qetë ndaj problemeve që sjell jeta.

Laureta. Së pari; unë të këshilloj të bësh shtrisho vaginale për të ripërcaktuar, se keni vetëm mykozë dhe asnjë infeksion tjetër të mbivendosur që nëse nuk trajtohet e bën të vështirë eleminimin e kandidozës. Së dyti; terapitë që përshkruani janë korrekte. Por unë të këshilloj të përdorësh mjekime me elemente laktikë, që influencojnë në ekuilibrin e pH të vaginës. Së treti, të këshilloj të korrigjosh mënyrën e ushqyerjes duke evituar në ushqim karbohidratet, sheqerin e bardhë, ushqimet acide si domatja etj. Veçse tarapisë që merrni, ushqimi korrekt duhet të bëhet zakon në ushqyerjen tuaj. Të njëjtën gjë, duhet të bëjë edhe bashkëshorti. Së katërti; evitoni për momentin (disa kohë, nga 7 deri në 10 ditë), vazhdimin e trajtimit me antimykotik. Në konsultë me mjekun dhe pas ripërcaktimit të situatës mund të rifillohen terapitë e rekomanduara.