Shtatzënia mund të shkaktojë variacione të oreksit dhe gjendje të përgjithshme jo të mire, që mund të shoqërojë shtatzëninë nga fillimi deri në fund të saj. Gingivat ose mishrat e dhëmbëve, janë më të fryra (edmatoze) se zakonisht dhe kanë tendencë për gjakrrjedhje. Sekrecioni i pështymës (salivës) nuk ndryshon. Funksioni ezofageal mbetet normal, por refluksi gastro-ezofageal është i pranishëm gjatë periudhës së dytë dhe të tretë të shtatzënisë. Kjo shprehet me djegien që ju ankoni. Shpjegohet me kohën mesatare të zbrazjes së stomakut që zgjatet si rezultat i reduktimit të tonusit dhe motilitetit (lëvizshmërisë) të tij. Edhe në zorrët e holla dhe të trasha, vërëhet ky fenomen. Pra menjëherë pasi ju të lindni, të gjitha këto shenja do të zhduken dhe do të jeni e qetë si përpara shtatzënisë.

Gjatë kësaj periudhe, përmirësimi i regjimit të ushqyerjes vihet në plan të parë. Rekomandohet të hani pak dhe shpesh, pasi stomaku i mbushur plot në një vakt mezi do të zbrazet dhe do të ndjeni djegsirra. Nuk duhen përdorur pijet alkoolike dhe ushqimet pikante. Qumështi dhe nënproduktet e tij, duhen përdorur pasi janë të pasura me kalcium dhe ndihmojnë si nënën ashtu dhe fetusin. Përdorimi i fibrateve dhe i jeshillëqeve, janë të këshillueshëm për të lehtësuar gjëndjen e thartira apo djegjeve të stomakut. Duhen evituar përdorimi i kafes, çajit dhe pijeve me bazë kola, pasi përmbajtja e tyre ndikon në sistemin nervor fatal.

Për gratë shtatzënina ka një postulat universal: Përdorimi i ushqimit të shëndetshëm nga nëna, bën që të lind një fëmijë të shëndetshëm.