Hematoma gjatë shtatzënisë
Merita
(14 vite më parë)
Hematoma retroplacentare, mund të shfaqë klinikën e saj në dy mënyra. Mënyra e parë duke patur gjakrrjedhje dhe mënyra e dytë edhe pse mund të krijohet hematoma, nuk ka gjakrrjedhje. Në të dy rastet, shfaqen shtrëngime në fund të barkut dhe dhimbje të shpinës. Në rastin tënd, ti duhet të jesh nën mbikqyrjen e mjekut gjinekolog pasi, ke rrezikun e fillimit të një aborti por, që me trajtimet e nevojshme mbetet rrezik i shmangshëm.
Përsa i përket cikatrices së operacionit që ke kryer, ekzaminimi ekografik tregon kryesisht në tremujorin e tretë se sa do të jetë trashësia e saj, dhe nëse mund të suportohet lindja me rrugë vaginale apo me ndërhyrje kirurgjike.
Uroj që çdo gjë në shtatzëninë tënde, të shkojë sa më mirë.
E nderuara doktoreshë, i kam dy pyetje, jam në javën e 9 të shtatzanisë dhe që nga java e 5 më është thënë se kam një hematomë mirëpo nuk kam pas gjakderdhje asnjëherë deri tani. Lindjen e parë para 4 viteve e kam patur me prerje cezariane, kështu që në kontrollën e fundit në eho mjeku më ka thënë se cikatriksi postoperativ është 4.4 mm dhe më është thënë se në tremujorin e tretë, në rast se kam dhembje duhet të shtrihem në spital. Doja ta di se a e rrezikojnë shtatzaninë time këto dy probleme? Ju faleminderit.