javë pas jave
Udhëzimet mbi shtimin e peshës trupore të gruas gjatë shtatzënisë, bazohen mbi peshën e gruas përpara saj. Situata e peshës trupore përpara, vlerësohet nga indeksi i masës trupore. Indeksi i masës trupore është raporti i peshës së gruas para shtatzënisë me katrorin e gjatësisë të shprehur në metra. Pra, me dy të dhëna bazë, gjatësinë dhe peshën trupore të gruas para fillimit të shtatzënisë, të cilat Tina nuk mi ke dhënë, vlerësohet indeksi i masës trupore (IMT). Me anë të tabelës së mëposhtme, mbështetur në bazë të indeksit të masës trupore, verifikohet vlerësimi i shtesës së peshës gjatë shtatzënisë deri në javën e 20-të, e më pas çdo javë pas javës së 20-të e deri në lindje.
Situata e peshës, në fillim të shtatzënisë |
Shtesa në 20 javët e para |
Shtesa çdo javë, pas 20 javëve të para |
Shtesa në peshë, në përfundim të shtatzënisë |
Peshë në normë (IMT* = 18.5 deri 25) |
3.5 kg |
0.50 kg në javë |
Nga 11.4 deri 16.0 kg |
Mbi peshë (IMT = 25 deri 30) |
2.5 kg |
0.35 kg në javë |
Nga 7.0 deri 11.5 kg |
Obezë (IMT > 30) |
2.2 kg |
0.25 kg në javë |
deri 7.0 kg |
Nën peshë (IMT < 18.5) |
4.0 kg |
0.60 kg në javë |
Nga 12.5 deri 18.0 kg |
Tashmë Tina, mund ta llogaritësh vetë se sa duhet të jetë shtesa e peshës tënde gjatë shtatzënisë.
Shkolla të ndryshme mjeksore, japin vlerësimë të ndryshme mbi shtimin në peshë të gruas shtatzënë pasi ajo varet kultura, mjedisi gjeografik, stadi socio-ekonomik, struktura ushqimore që përdorin komunitet si dhe mjaft faktorëve të tjerë.
Shpresoj të kem qënë e vlefshme në përgjigjen time.
Doktoreshë, jam në javën e 32, kam fituar vetëm 10 kg kurse gjinekologu që e përcjellë shtatzaninë time më ka thënë se duhet të ha më shumë, bebi për momentin peshon 1.980 a është normale si mendoni ju a duhet te ha më shumë apo është normale?