Përshëndetje Merita

Cikatrica që mbetet pas operacionit, në periudhën e parë mbetet ashtu siç ti e përshkruan. Ndikimi i motit (koha e keqe) do të jetë i pranishëm për shumë kohë dhe sa herë të prishet moti do të ndjesh bezdi deri në dhëmbje të lehta. Me kalimin e kohës, mpirja dhe dhëmbja do të vijnë duke u zhdukur. Për të lehtësuar shqetësimin, mund të përdorësh mbi cikatricen/prerjen e operacionit kremra zbutës. Në rast se gjendja që përshkruan nuk do të vijë deri në përmirësim, atëherë duhet biseduar me mjekun që ka kryer operacionin ose duhet konsulta me një mjek kirurg.

Gjithë të mirat.