Përshëndetje Lina

Dalja e qimeve në ato vënde siç e përshkruan, janë pasojë e ndryshimit të niveleve hormonale. Tek femrat mbi zotërojë ato hormone që i quajmë hormone femërore si estrogen dhe progesteron, ndërsa tek meshkuj mbizotërojnë ato hormone që i quajnë hormone mashkullore siç është testosteroni. Por këto hormone ndodhen edhe në gjinitë e kundërta, në vlera më të vogla duke dhënë ose jo, influenca të dukshme. Për shkaqe të ndryshme ndodh që tek disa femra hormonet mashkullore janë mbi nivel, ashtu siç ka ndodhur edhe tek ty, duke dhënë rritje dhe dëndësi më të madhe të qimeve në fytyrë, mustaqe, mjekër, rreth gjinjve, nën kërthizë etj.

Për të kërkuar shtatzëni, duhet të vlerësohen nivelet hormonale dhe disa ekzaminime që lidhen me ovulacionin. Për këto, kontakto një mjek gjinekolog.

Gjithë të mirat.