Përshëndetje Hana.

Banjat në vaskë, me ujë të ngrohtë (jo të nxehtë), të shlodhin dhe relaksojnë trupit. Krijohet edhe një qetësi shpirtërore, pasi largohet stresi që krijohet për shkak të së panjohurës mbi ecurinë e proçesit të lindjes. Uji i ngrohtë krijon vazodilatacion (zgjerimin e vazave të gjakut), duke bërë të mundur të kalohet më shumë oksigjen tek bebi.

Megjithatë këto të mira, larja me ujë të ngrohtë ose banjat në vaskë me ujë të ngrohtë, nuk influencojnë në shpejtimin e lindjes.

Akti i lindjes, mund të kryhet në disa praktika. Një nga këto, është lindja në ujë (në vaska speciale). Disa klinika, e rekomandojnë këtë mënyrë lindje si më të përshtatshme se lindja në krevatin gjinekologjik. Influenca pozitive, vjen për shkak të ambjentit ku ka jetuar bebi për 9-të muaj. Duke lindur në ujë, fëmija gjen konfortin e vazhdimësisë.

Hana, të uroj të lindësh normalisht një fëmijë të shëndetshëm.