javë pas jave
Përshëndetje Albana
Ushqyerja me qumësh gjiri, është shkak i mosardhjes së ciklit menstrual apo i çrregullimit të tij. Pas ndërprerjes së ushqyerjes me qumësht gjiri të fëmijës, pritet që cikli menstrual të filloj dhe duhet të jetë i rregullt. Nëse vonesa menstruale zgjat përmbi dy muaj nga ndërprerja e gjidhënies, bën mirë të kontaktosh një mjek obstetër-gjinekolog, për të vlerësuar gjendjen e shëndetit tënd riprodhues.
Pas lindjes, rekomandohet që gratë të përdorin metoda të planifikimit familjar për tu mbrojtur nga një shtatzëni e padëshiruar. Prandaj edhe ti, kontakto mjekun dhe bashkërisht me të, përcakto kontraceptivin më të përshtatshëm për ty.
Nëse ulja në peshë të duket jo e arsyeshme, kontakto mjekun për të vlerësuar situatën. Nëse gjendja që përshkruan vjen nga rregjimi ushqimor, lexoje artikullin e linkut të poshtë shënuar;
http://www.bebaime.com/ushqimi-pas-lindjes/si-te-ushqehem-pas-lindjes-
Mundohu ta gjesh veten diku dhe zbato këshillat që rekomandohen për rregjimin ushqimor pas lindjes. Për çdo paqartësi, më shkruaj.
Të uroj gjithë të mirat.
Pershendetje doktoreshe! Jam nene e nje vajze 7 muajshe. Per 6 muaj e kam ushqyer me qumesht te gjirit e qe 1 muaj me qumesht artificial. Kam nje pyetje: a eshte normale vonesa e ciklit sepse kam ndergjuar qe pas ushqyerjes me gji cikli vie shume shpejte?! Dhe nje pyetje tjeter: a eshte normale humbja e konsiderueshme e peshes se nenes gjate ushqyerjes me gji te femijes? Ju faleminderit.