Infeksioni me E. Coli, është nga infeksionet më të zakonshme që mund të paraqesë një grua shtatzënë ose jo shtatzënë. Ky infeksion i thjeshtë, normalisht duhet mjekuar. Mjekimi realizohet në bazë të rezultatit të kulturës së sekrecioneve vaginale, të cilën siç e përshkruan e ke bërë. Realizohet gjithashtu edhe antibiograma. Pra jepet mundësia e zgjedhjes së një antibiotiku, ndaj të cilit është i ndejshëm E. Coli.

Krahas trajtimit lokal me ovula vaginale, do të ishte mirë që të merrnit edhe antibiotik nga goja. Zakonisht për trajtimin e E.coli, përdoren antibiotikë të spektrit të gjërë të llojit të ampicilinës, amoksicilinës apo eritromicinës. Trajtimi duhet të zgjasë 7-10 ditë. Dy javë më pas, duhet të përsëritet kultura e sekrecionit vaginal.