Përshëndetje Jehona.

Gjatë shtatzënisë, ushqimet duhet të konsumohen në mënyrë të ekuilibuar si në sasi ashtu edhe në cilësi. Kjo do të thotë se cilësia dhe sasia ushqimore e ekuilibruar, janë të domosdoshme për shëndetin e gruas shtatzënë dhe të bebit që po rritet tek ajo.

Konsumi i tepërt i kripës, ndikon në shtimin e ujrave të organizmit. Kjo gjendje çon në enjtje të këmbëve dhe mbipeshë. Kontrollimi i peshës gjatë shtatzënisë është shumë i rëndësishëm, pasi një rritje e pakontrolluar mund të shkaktojë probleme si diabet, hypertension etj. Gjatë lindjes, është i rrezikuar proçesi i tij.

Ushqimet pikante ku bën pjesë edhe piperi, nuk kanë influencë direkte tek bebi. Por prishja e konfortit të organizmit duke filluar nga fryrja e aparatit tretës, sikleti në stomak e deri tek acarimi i hemorrideve do të influencojnë në ecurinë normale të shtatzënisë. Prandaj rekomandohet, që përdorimi i ushqimeve pikante të jetë në kontroll duke mos e tepruar më konsumin e tyre.

Uroj ecuri normale të shtatzënisë.