Foshnja e moshës 6 javëshe me kollitje të zgjatur duhet të ekzaminohet me kujdes të shtuar nga pediatri. Shkaqet më të shpeshta janë të natyrës së lehtë si problemet me hundë gjatë flamosjes, tharja e ajrit të dhomës me ngrohës të ndryshëm, tymosja e duhanit, grumbullimi i pështymës në gojë, etj. Terapia për këto është kryesisht ajo të cilën ju jeni duke e përdorur. Nëse edhe përkundër terapisë së këtillë disa ditore dhe tejkalimit të problemeve të tjera të lartë përmendura, kollitja nuk qetësohet ose përkeqësohet atëherë foshnja juaj duhet të rivlerësohet edhe njëherë nga pediatri në drejtim të gjendjeve të cilat në gjuhën mjekësore njihen si bronhiolite. Shumë inkurajuese gjatë gjithë kësaj kohe do të jetë nëse foshnja juaj pi mirë dhe nuk ka temperaturë të ngritur.