Pak kush prej nënave mund të lavdërohet se e ka fëmijën 3 vjeçar ende në gji. OBSH në rekomandimet e saj nuk kufizon në mënyrë të prerë kohëzgjatjen e ushqyerjes së fëmiut në gji por si kohë orientuese përmendet mosha 2 vjeçare. Pas kësaj moshe përfitimet reale nutritive për fëmiun nga ushqyerja në gji nuk janë edhe aq të mëdha që të mbështesin gjidhënien edhe në këtë moshë. Mbase edhe mbajtja e gishtërinjëve në gojë është në lidhmëri me nevojën më tepër emotive dhe një lloj varshmërie të fituar nga ushqyerja disa vjeçare në gji! Shprehitë e fituara nuk luftohen me barëra të caktuara por me durim dhe me shpjegime për nevojën e tejkalimit të tyre në moshën e caktuar! Disa nga përvojat origjinale në tejkalimin e dukurive të ngjashme, mund t'i kërkoni në rubrikën "pyet nënat" të portalit tonë!